全新「無國界」餐廳LUMI由日本名廚熊谷喜八監督主理，將於金鐘太古廣場開幕。「LUMI」這名字源自 「luminous」（明亮的）及「illumination」（照亮）兩字，旨在透過一系列色、香、味俱全又讓人耳目一新嘅多元化美食，帶領本地食客踏上一場無國界美食之旅，並傳遞「joie de vivre」生活哲學，鼓勵大家發掘生活中嘅小確幸。 

LUMI係主廚熊谷喜八長達半世紀烹飪生涯中嘅高峰。佢於1946年生於東京，曾於著名米芝蓮三星餐廳Maxims de Paris以及巴黎多間頂級餐廳和酒店掌廚，期間習得不同烹飪知識和技巧，更係已故名廚Joël Robuchon嘅首位日本徒弟。 今次佢將於其超過50年職業生涯中嘅3,000多種創意美饌中，精選出佢最喜愛嘅29款招牌菜加入LUMI菜單之中。

LUMI清新明亮嘅裝潢佈置由著名餐飲業設計公司Zanghellini & Holt Associates（ZHA）操刀，ZHA為餐廳創造咗一個充滿光線嘅明亮空間，教人不禁聯想起浪漫嘅巴黎花園。色彩繽紛嘅Petit Fours法式小甜點就似前院嘅鮮花，喺門口位置迎接客人，主廳嘅氣氛則寧靜愜意，讓人賓至如歸。

LUMI嘅菜餚採用優質時令食材，健康而悅目。精選前菜包括配以秋葵、櫻桃番茄、味增漬牛蒡及日本進口紀州梅子汁嘅炙燒吞拿魚沙律（港幣150），以及配以白芝麻生薑醬嘅涮涮日本和牛沙律（港幣190）。

主菜方面，運用十三種特調辛香料嘅炒波士頓龍蝦（港幣300），源自廚師以往從未外傳嘅秘方；配上溫泉蛋及海蝦薯仔沙律嘅香煎大西洋三文魚（港幣240）先以櫻花木煙燻，再以法式製法煎得外脆內嫩，食客打開玻璃蓋時，可見煙霧徐徐飄出。

鍾情意粉嘅食客可品嚐冰鎮蘆筍意大利細麵（港幣220），配搭溫泉蛋、北海道海膽和即場刨碎嘅冰鎮蘆筍。最後，蜜桃梅爾芭（港幣110）係將完個蜜桃醃漬一整晚嘅甜點，伴以紅桑子醬、鮮雜莓及雲尼拿雪糕，為呢場LUMI美食之旅作結。