「昂步棧道」為香港青年旅舍協會(HKYHA)一年一度嘅大型慈善步行籌款活動，第十三屆「昂步棧道」將於明年1月20（星期日）假大嶼山舉行。今屆與Rovio Entertainment合作，邀請到Angry Birds作為活動大使，一眾鬼馬角色除咗會到現場為參加者打氣，更會跑入選手包，與大家分享賽事嘅喜悅！

藉著參加「昂步棧道」，參加者可以喺欣賞昂坪棧道上嘅大自然優美景色同時，為慈善出一分力，一同實踐本會推動青少年全人發展、文化交流及保育嘅理念。「昂步棧道2019」共設有一條樂行組路線及兩條競賽組路線，難度各異，等一眾參加者及専業跑手也可一同感受運動嘅樂趣！

「昂步棧道2019」特邀請到深受大人小朋友歡迎嘅卡通人物Angry Birds合作。活動當日，「胖紅」Red更會化身為活動大使，專程由Bird Island飛到黎香港，為健兒打打氣！其中一個檢查站YHA昂坪戴維斯青年旅舍將設有大型Angry Birds裝飾及佈景，讓參加者盡情與家人、朋友拍照留念，齊齊進入Angry Birds嘅遊戲世界！ 

成功報名「昂步棧道2019」嘅參加者均可獲發特別為活動設計嘅Angry Birds主題選手包，當中包括索繩袋、活動Tee恤、活動號碼布及鑰匙扣，樂行組路線「生態10公里」參加者亦會得到昂坪360單程纜車票一張。而當日出席嘅參加者更可於現場換取Angry Birds限量完成獎牌一個，相當有紀念價值！

為一家大細而設嘅樂行組路線「生態10公里」，參加者可藉步行遠足方式，與家人及好友歡樂共聚，一同出走大嶼山享受慢活時光，嚟個趣味生態行！參加者將由東薈城名店倉廣場出發，途經石門甲欣賞沿途自然風景，並參觀YHA昂坪戴維斯青年旅舍附近嘅「心經簡林」木刻佛經群。

回程更可免費乘坐昂坪 360 纜車，遠眺遼闊的南中國海及機場全景，俯瞰翠綠嘅北大嶼山郊野公園，最後返回東薈城名店倉廣場作結，全程約4小時。為宣傳保育大嶼山自然環境嘅重要性，可持續大嶼辦事處更喺沿途將加入互動小遊戲，等參加者一邊慈善步行，一邊認識大嶼山珍貴嘅自然生態。

兩條極具挑戰性嘅競賽路線「挑戰20公里」和「精英29公里」都係經專人設計，想測試自己耐力極限嘅跑山競賽好手千萬不能錯過！「挑戰20公里」參賽者需征服香港第二高峰 ─ 鳳凰山，由300多米上行至934米，沿途多陡直石級，係爆發自己潛能嘅一大考驗。

而「精英29公里」參賽者除咗要跑上大東山，更需勇闖俗稱「呻吟徑」嘅黃龍坑郊遊徑，絕對考驗參加者嘅毅力及體能。

參加「昂步棧道2019」，齊集一套獨家限定Angry Birds紀念品！除咗同Angry Birds一齊怒跑大嶼山，參加者亦可選購一系列「昂步棧道2019」限定嘅Angry Birds紀念品！當中包括Angry Birds連帽毛巾、珊瑚絨毛毯及立體鑰匙扣，令你呢個冬天大寒不太冷！