隨著人慢慢成長,已經唔再渴望轟轟烈烈既熱戀,只想要細水長流既愛情。兩個人牽手走過咁多年,從朋友、情人,慢慢變到好似家人咁。到呢個時候,好多人會開始感到困惑,兩個人之間究竟仲有無吸引力,仲有無愛情?如果你都感到困惑,或者想加深彼此既感情,就參考以下幾個方法啦!
1. 有自己專屬時間
如果兩個人無足夠既隱私同自己既時間,係會慢慢有不滿。我地經常依賴另一半為自己帶來快樂,但是亦應該適時擁有Me time,可以令雙方都放鬆一下。否則嚴重既話,可能會令呢段感情成為不健康既依戀或依賴。另外,擁有獨立空間都能促進自我成長,都係維持長久戀情既關鍵之一。
2. 討論更深層既話題
當你覺得你對另一半既認識已經非常透徹時,好容易因為無左新鮮感而分開,但如果擁有一個「高品質」既相處空間,就可以加深兩人之間既連結。如果下次真係覺得兩人都無野傾,對對方無咩想問既時候,不妨傾下啲較深入既人生哲學、心理學既問題!
3. 共同創造兩人既難忘回憶
研究發現,一起嘗試新事物既夫妻,即使每週只用一個半小時一齊做呢件事情,都比其他咩都沒做既夫妻更快樂。因為當我地同另一半一齊體驗新事物時,身體既愉悅同快樂感,會同另一半連埋一齊,所以一齊食好西,或者做一啲大家都鍾意既野,對感情好有幫助!
4. 讚美同感激
表達感激係可以令另一半感受到你既愛最簡單的方式之一,根據研究,成日講「多謝」有助於令感情變得更正向且持久,好多會適時表達對彼此欣賞同謝意既夫妻,比起一般人,更能一齊克服各種挑戰。每個人都希望得到其他人既認同、讚美,當你不斷讚另一半既某項優點,佢就會更樂意去做個件事,因此,多啲留意另一半既優點,講多啲「多謝」啦!
5. 做一些會嚇到自己的事
適當既恐懼同不安,可以拉近兩人既距離。例如當你地一齊睇鬼片、玩機動遊戲既時候,會增加兩人關係既信任同安全感,而且當你處於恐懼或焦慮時,你可能會覺得佢比平時更有魅力!