金黃栗子與秋天嘅氣息彼此相扣，到處都可以見到栗子嘅蹤影，美心西餅亦跟上換季步伐，搜羅各地最優質嘅當季栗子，將栗子嘅質樸香氣融入蛋糕，以呈獻日與夜嘅金栗盛宴主題為創作靈感，等你可與摯友一同享受秋栗滋味！

美心西餅以日與夜嘅主題精心配搭出不同款式、層次嘅瑞士金栗蛋糕及甜品系列，顆顆渾香甜鬆綿嘅栗子配以不同精選食材，帶嚟兩種不同感受嘅秋日至臻栗子盛宴。

鮮磨金栗脆脆蛋糕 售價: $238 (5.3吋 約1.3磅) 

蛋糕選用原粒糖漬栗子，上面鋪咗以時令山東板栗新鮮磨成嘅栗蓉，內層細軟柔滑栗子慕絲、鬆脆嘅法國巧克力杏仁脆及粒粒栗子層層交疊，加上香濃嘅巧克力蛋糕，真係令人一試難忘呀。

鮮磨金栗蛋糕 售價: $128 (4.5吋 約0.6磅)

綿滑豐盈嘅栗蓉包覆住豐富嘅栗子餡料與巧克力蛋糕。品嚐嘅時候可以聞到濃郁嘅栗香，層次分明嘅甜美栗子顆粒與鬆軟嘅巧克力蛋糕絕對係口感與味覺嘅完美搭配。

瑞士金栗蓉蛋糕 售價: $238 (6吋 約1.7磅)

晶亮光滑嘅朱古力鏡面造型散發着濃郁嘅巧克力魅力，幼滑嘅瑞士栗子慕絲包覆著層層脆薄嘅法國白朱古力杏仁脆、黑巧克力碎，令蛋糕整體味道更昇華，最啱喺夜晚聚會一刻品嚐。

瑞士金栗迷你蛋糕 售價: $138 (5吋 約1磅)

軟糯清甜嘅山東板栗與綿滑濃厚嘅瑞士栗子交織埋一齊，不同香滑質感嘅栗蓉層層在舌尖化開，搭配香脆嘅榛子味消化餅作底層，令蛋糕口感添加層次感，栗子迷絕不容錯過。

瑞士金栗盛宴蛋糕 售價: $278 (8吋 約1.6磅)

簡約造型嘅蛋糕睇落簡單唔華麗，入口瑞士栗子嘅香甜軟糯，帶嚟滿滿嘅幸福感。喺柔軟若綿嘅蛋糕上鋪上如絲般幼滑嘅新鮮栗蓉，濃厚嘅栗香令人一試愛上。

瑞士金栗紫薯蛋糕 售價: $238 (6吋 約1.2磅)

表層圈圈細緻嘅唧花造型高雅，咬落去嘅時候，香濃紫薯與濃郁嘅瑞士栗子之間微甜交融，清爽不膩嘅芒果啫喱帶嚟淡淡清新果香，演繹不一樣嘅滋味。