年度盛事「香港美酒佳餚巡禮2018」將於10月25日至28日，一連四天，喺中環海濱活動空間正式開鑼啦！本土營養超市FoodWise今年強勢登場，首度引進澳洲著名葡萄酒品牌Ulithorne (優樂頌酒莊)、Rusden (魯斯登酒莊) 及法國著名香檳Pierre Mignon (米隆家族)。

FoodWise將會提供意想不到嘅會場優惠價，等一眾愛酒之士率先品嘗嚟自澳洲嘅頂級葡萄酒佳釀及上乘香檳，喺璀璨奪目嘅維港美景前品酒嚐美食，享受視覺及味蕾嘅盛宴。

頂尖嘅美酒，就當然要配上佳餚先可以相得益彰啦，但點樣配搭先會有錦上添花嘅效果？FoodWise團隊擁有專業嘅品酒師，取得英國嘅葡萄酒與烈酒認證「Wine and Spirit Education Trust（WSET）」等級三，相等於業界認可嘅資歷。

Pierre Mignon (米隆家族)香檳酒莊五代承襲，屬於法國知名的貴族香檳品牌之一。或者大家未曾細品過Pierre Mignon嘅味道，不過一定對北海道殿堂級朱古力Royce有所認識。Royce以生朱古力而聞名世界，而最暢銷的香檳味生朱古力則是採用Pierre Mignon (米隆家族)。

其中Brut Prestige NV榮獲多項國際殊榮，包括2018年國際葡萄酒烈酒品評賽金獎，更加俾世界最佳侍酒師Andreas Larsson高度讚賞，評為90分。鍾情於Pierre Mignon芳香及豐富韻味的嘅你，一定唔可以錯過啦。

Ulithorne (優樂頌酒莊)好著重葡萄酒嘅品質及釀製過程，因此採用單一葡萄園嘅方式及技術釀製出世界級優質嘅葡萄酒。DONA Shiraz 2016可以話係其中一支性價比最高嘅選擇，口感豐富，並附有濃郁果香，夾雜咗年輕黑莓及黑櫻桃嘅香調，卻不乏胡椒及香草嘅氣息，成為Wine Spectator報告中勇奪91分嘅佳績。

Rusden (魯斯登酒莊)酒莊釀酒理念採用人手手工採摘、露天發酵，使用法國與美國橡木桶混合發酵，並沿用傳統優良嘅釀酒設施。酒莊出產嘅所有葡萄酒全部採用人工釀造嘅方式，葡萄喺手工採摘之後喺酒莊內進行篩選、破皮和壓榨，唔進行澄清及過濾嘅工序。

雖然產量及酒款有限，但呢份對葡萄酒嘅品質追求及耐心換嚟Robert Parker連續十年給予95分以上嘅高度好評，可見Rusden (魯斯登酒莊)喺澳洲紅酒業界位居前列位置，果然係實至名歸！

除咗以上各款優質嘅名酒外，FoodWise攤位同時加推Jackmann 澳洲蘋果酒，獨特而香甜多汁嘅蘋果風味極易入口，適合酒量淺、又想略沾酒氣盡興的女士，令人一試難忘。

FoodWise攤位同時提供多款佐酒小食，首推有英國本土品牌C&K豬肉腸，運用氣體昏厥法將處理豬隻嘅傷害減至最低，大大提升產品嘅食用品質，更美味可口。另外，同場更設有全場獨家、極其罕有嘅一口袋鼠肉、鮮嫩多汁、香氣撲鼻嘅澳洲羊架以及大受港人歡迎嘅清酒煮青口。喺維港前品嚐美酒佳餚，實在賞心悅目，令人樂而忘返！

香港美酒佳餚巡禮2018詳情
攤位號碼：B226 & B227 (FoodWise) - 中環海濱活動空間及添馬公園
日期：10月25日至10月28日 (星期四至星期日)
時間：10月25日 – 晚上7時30分至晚上11時30分
      10月26日及10月27日 – 中午12時至晚上11時30分
      10月28日 – 中午12時至晚上10時