「香港地」一直承傳地道飲食文化精髓，品牌深明時代同食物味道都要有進步，以現代烹調技巧配合升級食材，演繹嶄新嘅香港地特色，由西多士至乾炒牛河等經典菜式都可以喺「香港地」揾到，並以令人回味無窮嘅菜式連繫每個香港人。

由即日起，「香港地」更新推秋冬限定｢港風味系列｣菜單，共有十多款秋冬時令菜式，當中包括：

羊腩煲 $118
秋風起就當然要食羊腩煲啦，既美味又可以禦寒。香港地羊腩煲用料豐富，啖啖軟稔嘅羊肉配以冬菇、馬蹄、冬筍、枝竹等配料，加入柱侯醬先炒香，肉質鮮嫩唔羶腥，配搭完美，打造難以取締嘅經典風味。

臘味糯米飯 $68
另一亮點菜式係香氣四溢嘅臘味糯米飯，糯米飯口感煙韌，配以臘腸、臘肉、潤腸，油潤噴香，再加上蛋絲、芫茜與香蔥作點綴，令人回味無窮。

砂鍋‧瑤柱雞粒燘飯 $72
燘飯味濃香糯，使用泰國頂級香米配以柔嫩雞粒、瑤柱、翠玉瓜，由瑤柱所熬製嘅上湯烹調而成，令菜式激盪出口齒生津嘅口感，味道香濃馥郁，暖胃又耐飽。

砂鍋‧手切窩蛋免治牛肉燘飯 $72
除咗瑤柱雞粒燘飯，香港地亦有地道嘅手切窩蛋免治牛肉燘飯，經典嘅｢窩蛋免治牛肉｣組合用上升級食材－特級手切牛肉，同樣配上泰國頂級香米與瑤柱所熬製嘅上湯製作，味道更勝地道，令人食指大動！

砂鍋‧窩蛋三蝦香菇炆飯$72
砂鍋‧窩蛋三蝦香菇炆飯用料絕無欺場，用上三種蝦嘅材料，包括：鮮蝦、蝦乾、蝦籽，再加入翠玉瓜、冬菇、雞蛋，澆淋鮑魚汁，並與泰國頂級香米及瑤柱所熬製嘅上湯一同熬製，層次豐富，令人垂涎。

冬日特飲 $28/款
(加配+$14 / 轉配+$10)
嚟到乾燥嘅秋天就當然要滋潤身心啦！冬日特飲就可以為你嘅秋冬帶嚟溫馨甜蜜。杞子桂圓紅棗茶每日新鮮熬製，真材實料，呈現經典滋味；潤肺養顏嘅蛋白杏仁茶，甜度適中，香滑濃郁；檸檬生薑茶使用新鮮生薑磨成汁，補氣驅寒。

讓每一道菜式與畫作連繫你我 與本地藝術家Agnes Pang畫出香港故事

「香港地」藉著別出心裁嘅菜式，支持每一位香港人，今次誠邀本地藝術家Agnes Pang舉辦｢香港地－有您哋｣畫展，喺2018年10月24日至2019年1月9日香港地PopCorn店外展出共24幅畫作。畫作捕捉辛勤工人們及生活日常，每個場景都似曾相識，都有你我嘅生活片段及故事。

Agnes表示平日我地與唔同嘅人擦身而過，往往又忽略咗身邊默默努力嘅人，所以特別以半寫實半抽象畫風描繪各行各業嘅特色，畫中人們面目模糊甚至留白，就係想藉此俾大家反思人與人之間嘅關係。

「香港地」與Agnes一樣希望由地道嘅美食及創作中向每份撐起香港嘅心與精神致敬。活動當日好高興邀請到藝人徐榮連同家人、香港女童軍總會港島地方協會主席，灣仔扶輪社前社長 - 劉美珍小姐、香港小童群益會服務總監 (港島東區及營舍) - 王美玲小姐以及「香港地」快餐及餐飲部高級品牌發展經理 – 莊詠楠小姐進行開幕儀式，並親手準備咗心意卡向嚟自各區每位默默耕耘嘅香港人致敬。

展覽詳情
日期     :   2018年10月24日至2019年1月9日
地點     :   香港地PopCorn 分店 (新界將軍澳唐賢街9 號, PopCorn 1 樓F69 號舖)
開放時間 :   每天上午7時至晚上10時