秋冬嚟到,就象徵住打邊爐嘅季節嘅來臨(當然對邊爐狂魔嚟講係無分別)。小編都已經約埋飯腳啦!雖然食係開心嘅,但都要好好咁關注健康。所以大家就一齊睇下打邊爐有啲咩注意事項啦。
#唔好心急放野食入口
打邊爐最驟忌心急。唔少人一見啲野食熟咗就會即刻放入口,好似有人同佢地爭食咁。其實咁做好易燙傷口腔,所以食之前都係等啲野食喺碟攤一攤,等佢地凍返啲先食。
#唔好做食肉獸
喺寒冷嘅日子似乎只有熱騰騰嘅肉先可以令人温暖起嚟,但都要注意唔好食得太多肉,尤其係而家唔少人都會選擇食放題邊爐。長期以高脂肪含量嘅肉類打邊爐會令脂肪攝入過多,引發健康問題。簡單嚟講就係食多啲菜啦!
#放題都唔好去太盡
打邊爐放題真係好邪惡!因為一食就會係好幾個鐘,呢段期間係咁食會令內臟不停分泌消化液,無間斷嘅工作會令胃腸功能出現問題,好容易就會食到唔舒服。所以大家一定要節制,唔好俾口腹之慾打低呀。
#打邊爐都有次序
雖然好掃興,但打邊爐應該先食主食,例如粟米,山藥,咁就可以保護你嘅腸胃,增加飽腹感,令你之後唔會食太多肉。之後就可以食肉同菜啦,當然就要以菜為主啦,肉類就要以新鮮同脂肪含量低嘅為主。食丸子飽就唔係好可取啦。
Tags: homita為食家
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like