一年一度嘅萬聖節就快到啦，又到咗攞正牌盛裝打扮嘅時間！上年 Halloween 個個都扮小丑女，唔通個個都想扮小丑女咩？不過今年唔洗愁，想輕鬆搶 FO？不妨參考下 Netflix 最紅最 hit 嘅劇集與電影，揾下靈感啦！

Netflix 原創恐怖奇幻影集   《莎賓娜的驚慄奇遇》
造型亮點： 紅色大衣、金髮、髮帶，還有魔杖跟鈴鐺！

劇中 Sarbina 嘅招牌造型，包括一頭細緻亮麗嘅金髮，戴上黑色髮帶；身穿大紅色毛呢大衣，並背著同色系嘅 Oxford bag 牛津書包。因為其女巫身份，佢仲會一手攞住作為魔杖嘅木枝、一手拎著鈴鐺穿梭喺黑暗森林。鮮明耀眼嘅色彩令人過目不忘，同暗黑詭異嘅森林形成強烈對比。

Netflix 原創校園懸疑劇集 《河谷鎮》
造型亮點：拼色緊身五分袖上衣、滾白邊黑運動短褲、以及顏色相間的及膝長襪！

劇中富家女 Veronica 平時總穿著一襲短版黑洋裝搭配珍珠項鍊，呈現出九零年代紐約時髦富二代形象。身為啦啦隊嘅一員，Veronica 亦時常以啦啦隊造型現身。經典嘅拼色緊身五分袖文字上衣、滾白邊黑運動短褲、搭配上顏色繽紛相間嘅襪子，着上呢一身就可以完美化為熱血又性感嘅高校啦啦隊員 Veronica。

Netflix 原創青春校園劇集《漢娜的遺言》
造型亮點：白襯衫配酒紅背心，領口的黑色蝴蝶結與名牌

Hannah 生前與男主角 Clay 喺同一間電影院打工，經常着上白襯衫搭配酒紅背心、領口繫上黑色蝴蝶結，掛上名牌，再搭配黑色緊身褲及黑靴。呢套 Hannah 喺電影院打工嘅制服造型，輕輕輕鬆就可以打扮上手；呢個造型亦適合約埋三五好友，一齊裝扮成電影院員工，唔但只新鮮有趣，仲可以呈現出完整一體感！

Netflix 原創愛情喜劇電影《席艾拉正廢柴》
造型亮點：藍白灰混色管樂隊制服、配上白制服褲！

女主角 Sierra 喺劇中係大家眼中名符其實嘅書蟲，同時亦係學校管樂隊嘅成員。管樂隊制服嘅挺身布料再加上藍白灰嘅撞色拼接，帶嚟精神抖擻嘅氣場，穿上佢就可以做一日「百ｘ成材」嘅　Sierra。

Netflix 原創女性劇集《GLOW：華麗女子摔角聯盟》（GLOW）
造型亮點：鮮濃眼妝、復古曲髮、高衩韻律摔角裝！

劇中演員所穿嘅服裝多數係大色塊拼接、有高衩開到接近大腿內側嘅韻律服，亦有上擂台比賽時所穿着嘅華麗摔角裝。而摔角裝嘅一大亮點在於其鑲滿珠片嘅設計，有簡樸嘅珠片、亦有五彩繽紛嘅亮片造型。今年萬聖節就將自己 Cosplay 成一個華麗嘅女子摔角選手，絕對可以震撼全場！

Netflix 原創青春校園電影《愛的過去進行式》
造型亮點：男友的手放進女生褲子後方口袋，一隻手就能打造美式高中情侶風！

劇中最可愛同埋最經典嘅一幕，就係 Lara Jean 同男主角喺學校飯堂遇見對方，Peter 將手放進 Lara Jean 褲子背後嘅口袋中，直接放閃。仲思考緊同男（女）朋友要點Cosplay，一齊去慶祝萬聖節？好簡單，男生只要將手插對方褲子後方嘅口袋，就可以輕鬆裝扮「Lara Jean 與 Peter」，搵翻學生時期最純真快樂嘅心。