曾經有班可愛嘅貓狗朋友陪伴住一眾80後及90後長大，一幅經典尋貓告示「你見過我家的TAMA嗎?」深入民心，相信大家都估到，就係TAMA and FRIENDS（港譯：貓狗寵物街）啦！曾在80至90年代大熱嘅『TAMA and FRIENDS貓狗寵物街』火熱回歸香港！

貪玩嘅TAMA（斑仔）又有鬼主意，特別策劃太空之旅，帶同一班貓狗好朋友一齊沖出三丁目到太空探險！旅途中遭遇星體大爆炸，全員乘坐嘅太空船不幸被隕石碎片擊中，失控掉落籠罩萬聖節神秘氣氛嘅「南瓜星」，召喚各路星際探險家踏上冒險之旅！

今個萬聖節，數碼港商場與麥田捕手呈獻「TAMA and FRIENDS玩轉南瓜星」企劃，由10月27、28日及11月3、4、10、11日連續三個周末，商場將打造成反斗南瓜星，舉辧多項精彩活動及限定店，由裝扮成小嘩鬼嘅TAMA and FRIENDS率領大家玩轉南瓜星。

五大主題活動包括高達4.5米高嘅充氣迷離南瓜城堡裝置，勇士們闖進迷宮城堡協助TAMA and FRIENDS尋找失蹤太空船零件，挑戰成功者可獲得優惠券換領TAMA and FRIENDS 精美文具；走入另一裝置「南瓜星球探險」，仿如置身銀河，穿梭繁繁星體，靚到令人盡情拍照打卡。

甫出戶外，更有超過1000個手作南瓜裝飾鋪滿草地上，為黑色萬聖節氣氛點綴星光，TAMA and FRIENDS首次以嘩鬼造型亮相於5個大型南瓜裝置前，大家可以盡情留影。場內搞乜鬼市集以貓狗為主題，雲集近20個本地設計單位攤檔，售賣各式各樣嘅貓狗特色手作商品。

期間限定嘅『TAMA and FRIENDS貓狗寵物街星際補給站』售賣多款日本直送精品，包括文具、玩物裝飾等。活動期間更設有迷你TAMA and FRIENDS霓虹燈工作坊及TAMA抱抱會，DIY獨一無二的潮流霓虹燈裝飾，抱抱軟柔柔嘅TAMA，讓顧客感受既刺激又温暖嘅萬聖節。

高達4.5米反斗充氣南瓜城堡 在南瓜星球跳躍不停

TAMA貓登陸4.5米高嘅巨型南瓜充氣城堡頂部，吸睛又可愛，TAMA粉絲絕對唔可以錯過！踏入南瓜城堡，抬頭即見投影在上方嘅銀河星系，全館更覆蓋白白LED燈如同無數小星星喺度閃閃發光，彷如置身浩瀚無邊嘅宇宙當中，6大行星主體如彈彈球一樣喺館内蹦蹦跳跳，俾小朋友暢玩，視覺效果極具動感震撼！

大相一躍4米高的反斗巨型迷離南瓜城堡 挑戰尋找失蹤太空船零件

成個南瓜迷宮城堡都貼滿趣怪南瓜圖案，充滿萬聖節氣氛！大人小朋友齊嚟勇闖迷離南瓜城堡，發揮冒險精神，協助TAMA and FRIENDS完成挑戰。大家只要參與迷宮内設置嘅電子互動收集遊戲，喺迷宮內揾到被埋藏嘅飛行燃料及重製太空船零件獲得兩個二維碼（QR Code），收集兩個二維碼就可以幫TAMA and FRIENDS修復太空船，完成迷宮嘅挑戰者可得到優惠券換領TAMA and FRIENDS 精美文具。快啲嚟協助TAMA朋友修復太空船，等佢地可以繼續踏上星際旅程啦！

TAMA and FRIENDS 與過千個手作南瓜燈 齊集南瓜搗蛋派對

數碼港戶外草地鋪滿咗超過1000個手作發亮南瓜燈裝飾，每個南瓜燈都貼滿TAMA貓圖案，嬌俏造型惹人可愛。白天拍照千顆南瓜撼動TAMA迷之心，到晚上南瓜燈亮燈後更加係場面壯觀，誓必引發大家前嚟朝聖打卡，成為「必拍景點」之一。

南瓜搗蛋派對TAMA and FRIENDS與5個巨型南瓜裝飾 一起扮鬼扮馬

除咗過千個南瓜燈裝飾，草地上仲設有5個大型南瓜充氣裝置，南瓜前豎立十位可愛調皮嘅TAMA and FRIENDS角色紙牌，佢地首次以萬聖節嘩鬼造型亮相，其中妙妙Momo、小黃Koma、布魯Buru更加着上黒色神秘巫斗篷登場，配合佢地可愛調皮嘅形象，非常逗趣！大家又點可以錯過與「鬼馬版」TAMA and FRIENDS留影？

市集搞乜鬼市集 文青周末好去處

搞乜鬼市集雲集多位本地文藝潮人，仲有以貓狗為主題嘅商品參展。當中最備受關注嘅莫過於為今次活動特製貓狗造型甜點。其中品牌「狗餅店」特製小狗造型嘅狗曲奇，加上自家制寵物小食品牌，嚴選人類級嘅食材，製造出適合貓狗食用嘅健康小食。更有檔主特製鬆軟手作動物毛冷球，手感及療癒感十足。另外，市集亦有唔少以貓狗伸展動作為設計靈感嘅周邊產品，如動物星球植物球、布製證件套等，推崇本地手作嘅同時宣傳愛護貓狗元素，一眾貓痴狗迷不容錯過。 

Pop-up StoreTAMA and FRIENDS限定商店 齊集TAMA and FRIENDS星際補給站

期間限定嘅『TAMA and FRIENDS星際補給站』發售過百款TAMA and FRIENDS人氣精品！當中涵蓋三大類別，由大型裝飾、文具精品、以至家居用品都有，琳瑯滿目！當然，怎少得持續高据人氣榜頭三位嘅公仔，包括TAMA 和 MOMO 毛公仔、Mocchi麻糬公仔、Mocchi麻糬咕臣，令人愛不釋手。今次限定店引進嘅家居用品全部都係嚴格於日本製造，有多用途盒套裝、AS樹脂杯、筷子套裝、飯盒等等，實行讓TAMA and FRIENDS 融入生活當中。所有產品數量有限，售完即止。

Workshop迷你TAMA and FRIENDS霓虹燈工作坊  DIY潮人裝飾

五光十色嘅霓虹燈飾近年大受文青熱愛，更加係唔少拍照愛好者道具之選！數碼港商場特設迷你TAMA and FRIENDS霓虹燈工作坊，參加者喺專業導師指導下，親手製作迷你TAMA and FRIENDS霓虹燈，各位TAMA粉仲可以選擇自己喜愛嘅TAMA and FRIENDS角色，利用冷光線隨意扭動一個屬於自己、獨一無二嘅型格TAMA and FRIENDS霓虹燈裝飾房間或作拍照小道具，TAMA粉絕對要珍藏！

尋！尋！尋！貓狗鬥追蹤！

大家可以喺商場唔同樓層嘅蓋印站免費領取南瓜星探險地圖，一考大家眼力喺商場各處尋找隱藏在場內嘅6個貓狗寵物街印章。集齊所有印章嘅星際探險家，只需讚好TAMA and FRIENDS貓狗寵物街Facebook專頁或追蹤Instagram專頁 及上載一張場內任何貓狗寵物街主題嘅相片，即可換領精美禮品，送完即止。