月頭出糧就即刻拎哂啲錢去洗，到月尾就要勒緊褲帶過日子，你係咪每個月都會經歷一次咁樣嘅輪迴呢？小編都知道大家唔想再做月光族，所以就特意揾咗幾種急救法，等大家可以早日擺脫呢個身份！
#避免群體消費
一個人出街同成班人出街買野係好唔同咖。同朋友外出嘅時候，你就會不自覺咁洗用咗錢。一齊食飯睇戲買衫，洗下洗下成份糧就會無哂，所以群體外出果陣一定要打醒十二分精神呀！
#避免用信用卡
信用卡實在係太過方便啦，刷一刷就可以得到件商品，令大家唔再思考到底自己有無能力負擔。所以消費都係用返現金好，咁樣先可以控制預算，唔會令你收到月結單時頭痛。
#培養購物外嘅愛好
唔少人都係因為平日嘅壓力太大，先至會用衝動消費嚟減壓。所以大家不妨尋找一下購物以外嘅減壓方式，例如係做運動，又或者係煲劇。咁樣就可以避免一時衝重係咁買野啦！
#用「需要」「想要」記帳
月光族好多時都係因衝動消費而累事，所以喺買野之前就要先諗一諗到底係想要定真係需要。到買咗之後亦都要按需要同想要兩種方式嚟記帳，咁樣就可以揾出邊啲消費係不必要嘅，到下個月就可以注意返啦！
Tags: Homita理財學
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
