作為拉麵界嘅領導品牌，香港一風堂一直致力以優質食材及無限創意，為香港嘅拉麵愛好者帶嚟最正宗嘅日式拉麵餐飲體驗。自「橫濱家系豚骨拉麵」推出以來，其「橫濱家系」獨有嘅濃厚醬油豚骨風味一直深受大家歡迎，為咗回應大家對「橫濱家系」拉麵嘅喜愛，一風堂特意由10月31日起為大家送上「新 • 橫濱家系豚骨拉麵」，以升級濃厚滋味喺秋風下溫暖你心！

香港一風堂產品策略經理宮崎秀規先生表示『新 • 橫濱家系豚骨拉麵』將會喺全線一風堂分店面世，一風堂更秉承創辦人河原成美『堅守傳統•不斷創新』嘅理念，將經典滋味加以改良，加入超巨型炙燒叉燒及巨型海苔嘅全新配料，為食客送上驚喜，勢必成為今個秋冬最『Instagram-able』嘅拉麵！

經典升級 「新 • 橫濱家系豚骨拉麵」嶄新登場 (港幣$88)

一向人氣高企嘅「橫濱家系豚骨拉麵」，經一風堂精心重新演繹後，以 「新 • 橫濱家系豚骨拉麵」姿態強勢登場！一風堂特別喺引以為傲嘅醇厚豬骨湯中，加入精心萃取出雞之精華嘅雞白湯，特製成濃厚嘅W (即雙重)「橫濱家系」湯底，為整碗拉麵注入靈魂，並精選擁有勁道口感嘅中粗麵條作配搭。

「新 • 橫濱家系豚骨拉麵」當然唔會咁簡單，配料方面亦作出大升級！拉麵加入大3倍嘅超大炙燒叉燒及大4倍嘅巨型海苔，而炙燒叉燒上嘅辛辣味噌融合喺湯底後，定必更添滋味！如果想更徹底體驗「橫濱流」嘅魅力，不妨追加大蒜及醋，享受正宗橫濱風味！