今年聖誕,新城市廣場以唯美嘅數碼互動藝術裝置全新詮釋《愛麗絲夢遊仙境》文學經典,喺11月27日至1月13日期間夢幻呈獻<Alice’s Adventure @ Starlight Garden夢遊奇幻聖誕>,將攻陷韓國文青及少女心嘅「Alice – Into the Rabbit Hole」〈이상한 나라의 앨리스〉裝置藝術展覽移師商場3樓開展,等大家爬入30呎高嘅聖誕樹兔子洞穴內窺探愛麗絲嘅神秘異想世界。
7樓星光花園就以璀璨燈光、閃爍鏡海、發光蘑菇及玫瑰林等等打造成媲美「天空之鏡」嘅絕色仙景,延續呢一趟未完嘅超現實奇幻歷險旅程。
由27位韓國跨媒體藝術家策動嘅「Alice – Into the Rabbit Hole」展覽以《愛麗絲夢遊仙境》為創作主軸,以裝置藝術配合燈光、鏡面、投影等現代科技,與不朽經典名作碰撞創意火花,俾大家以超現實角度體驗愛麗絲嘅奇幻浪漫夢境。
「Alice – Into the Rabbit Hole」展覽自2017年喺首爾Galleria Foret開展後旋即成為亞洲打卡熱點,每天有逾6,000條相片或影片帖文上載於社交媒體,更風靡當紅韓星及男團如防彈少年團、KARA、BLACKPINK等等。
今次喺新城市廣場嘅香港站以30呎高聖誕樹嘅兔子洞穴為起點,等大家化身童話主角追蹤兔子走進童趣國度,開展奇妙之旅。展覽除咗將保留喺韓國SNS洗版嘅超級巨型愛麗絲充氣娃娃、以樹屋為藍本嘅愛麗絲復古夢幻房間 (Alice’s Room)、淚眼之泉 (Pool of Tears)、霓虹燈等地標外,更新增全新設計嘅打卡秘境,令人密切期待。
顛倒光影隧道、觸手可及嘅流星瀑布、彷如變身小人國子民嘅龐然巨物包括發光蘑菇、奇異玫瑰花、大咀貓咪等等,仲有遍佈全場嘅閃爍貓眼星光以及粉嫩光影等等,置身其中令人彷如愛麗絲誤墜時空錯置嘅顛倒世界,今個聖誕,誠邀大家同遊星光花園一起穿越魔鏡奇緣。
Alice’s Adventure @ Starlight Garden夢遊奇幻聖誕
日期: 11月27日至1月13日
地點: 沙田新城市廣場一期7樓星光花園
活動標籤:#NewTownPlaza #新城市廣場 #StarlightGarden #AliceXmasHK
「Alice: Into the Rabbit Hole」展覽 - 香港站
日期: 11月27日至1月1日
地點: 沙田新城市廣場一期3樓玻璃天幕廣場
入場費:免費