Intimissimi 呈獻全新奢華絲質系列，令女士們由睡房至辦公室都能可以展現自信風格。品牌一直以嚟致力傳遞自主女性嘅價值觀，鼓勵女士呈現內在嘅力量及獨特個性。

Intimissimi 邀請咗一眾藝人及時尚達人以絲質系列進行時尚配搭，當日榮獲最佳服裝配搭嘅嘉賓將被邀請一同前往參加 Intimissimi 喺意大利維羅納舉辦嘅時裝表演。

着上各種款式嘅絲質產品，著名演員王君馨（Grace Wong）、單文柔 （Phoebe Sin）、及歌手連詩雅 （Shiga Lin）帶領一眾時代女性參與 Intimissimi 中環店活動。每位嘉賓都以自己對時尚嘅定義，重新演繹獨具風格嘅絲質產品，展現出自信嘅女性氣質，貫徹 Intimissimi 一直堅持嘅理念。

王君馨分享個人穿搭心得，佢指出絲質系列係佢最喜愛嘅 Intimissimi 系列之一。因為系列產品具多樣性，可以配搭出千變萬化嘅造型，例如同閨蜜約會又或者係同另一半度過一個舒適嘅晚上。

配上 Intimissimi 嘅絲質產品亮相活動，單文柔表示自己好鐘意着上絲質嘅感覺，柔軟而性感嘅布料可以配上唔同嘅日常穿搭，每種風格都展現出優雅同埋獨特嘅女性氣質。

由絲質睡衣套裝到蕾絲服飾，多樣化嘅圓領上衣及短袖嘅 V 領襯衫，Intimissimi 絲質系列嘅產品可以令你毫不費力地打造出白天到夜晚嘅各個造型。今時今日，內衣外穿並配搭不同嘅服飾為時尚帶嚟更多可能性。