EMPHASIS點睛品在意點亮每位女性嘅獨特美，令佢地成為自己生命嘅焦點。品牌獨家呈獻國際享負盛名嘅意大利設計師珠寶品牌MARCO BICEGO，今季品牌重點推介全新Marrakech系列、Africa系列及Lunaria系列單品，以千變萬化嘅大自然為創作繆斯，揉合珠寶工匠獨具匠心嘅精巧工藝、傳世數百年嘅精湛技術，令珠寶融會傳統及藝術嘅精髓，締造出獨具個性嘅日常華麗高級珠寶，以歌頌女性多元美態。

Marrakech系列 優美形態散發永恆的典雅魅力

Marrakech系列靈感源於摩洛哥渡假城市Marrakech嘅一座小瀑布，設計師利用扁身嘅18K金鍊，以人手將長度不一嘅金屬捲曲成獨特多變嘅黃金弦線，交織出宛如漣漪嘅優美形態。呢個系列備有戒指、手鍊及頸鍊，以簡潔嘅線條作為設計重心，適合日常配搭，展現出飄渺而優雅嘅品格，刻劃出女士永恆嘅典雅魅力。

Africa系列 薩凡納夜空中閃爍的群星 展示女性獨特光芒

Africa系列靈感源於美國喬治亞州薩凡納 (Savannah) 夜空中閃爍嘅群星，以Marco Bicego品牌標誌性嘅Bulino刻刀鑄金技術雕刻拉絲質感嘅圓形金珠。

為呈現出星空閃爍嘅視覺效果，設計師巧妙地喺珠面上雕鑿出蜿蜒曲折嘅軌道，金珠之間點綴多顆形狀不一嘅切割鑽石，將奢華高貴嘅金色演繹得璀璨炫目。

每顆金珠均形態不一，加上流線形輪廓設計，映襯女性優美高貴、清新脫俗嘅風格，俾人耳目一新嘅感覺。呢個系列備有戒指、耳環、手鐲及頸鍊，飄逸輕盈嘅設計，盡展女性獨特光芒。

Lunaria珍珠貝母系列 柔和絢麗綻放輕盈魅力

Lunaria系列靈感源於大自然植物Lunaria的形狀，除咗以獨特嘅線條交織出優美形態，亦配合咗珍罕嘅珍珠貝母自身所散發出嘅柔和光澤，映襯女性輕盈優雅嘅美態。透過全人手製作不規則嘅18K金纖薄金葉，再配合經典Bulino刻刀鑄金技術喺表面打磨出細緻紋理，宛如輕盈嘅金葉喺風中漫舞，展現女性耀眼魅力。