前陣子日本嘅「打卡」熱潮吹到香港，品客薯片聯乘日本著名即食麵製造商Acecook首次推出充滿驚喜嘅期間限定版品客薯片。到底薯片與即食麵品牌可以為我地帶嚟點樣嘅至「瀛」化學反應呢？
全新期間限定口味 一口嚐盡最「瀛」風味
Pringles一直推陳出新，今次仲特意搞搞新意思，與Acecook聯手強勢推出日式即食麵口味薯片：一番花枝炒麵味及濃旨雞湯醬油拉麵味；並會喺11月17日起由日本到香港，嚟到香港限量發售。
品牌將Acecook即食麵嘅味道完完全全融入香脆可口嘅薯片當中，口味還原度甚高！一番花枝炒麵味薯片每一啖集日式花枝炒麵嘅靈魂—甜甜酸酸嘅炒麵醬汁同埋花枝嘅鮮味於一身，香口惹味，實係嘴饞時嘅必食之選！
而濃旨雞湯醬油拉麵味薯片就將日本經典雞汁醬油拉麵與薯片結合得天衣無縫，一開包裝香味已直撲鼻端；一口咬下去後，雞湯及醬油嘅濃郁香味更係留喺味蕾上面久久不散，令人回味無窮！作為「薯片粉」及「杯面控」嘅你千萬唔好錯過！
Tags: Homita為食家
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
