米芝蓮星級餐廳 à nu 以最新鮮及優質上乘嘅食材入饌為餐廳嘅經營理念，深信最佳嘅飲食體驗在於品嚐到食材最天然嘅本質。品牌名稱-à nu 喺法文係「以原來的姿態」嘅意思，而呢一點亦係其創辦人兼總廚下野昌平先生創立品牌嘅宗旨。故此，廚師堅持深入了解不同時令食材，並利用嶄新嘅料理手法炮製獨一無二嘅日本法式料理，同時不忘將食材原本嘅味道發揮至最佳狀態。

適逢本月係白松露嘅時令季節，à nu 首次喺香港呈獻受熱切期待嘅白松露菜單。呢款奢華矜貴嘅時令食材與餐廳精心烹製嘅美饌完美融合，為顧客帶嚟日式料理食材混合傳統法國料理技術嘅滋味。 白松露菜單供應時間為 10 月 30 日至 12 月 15 日。價值港幣$1,580 嘅白松露菜單包含多款白松露美饌，令顧客能夠一次過品嚐不同風味嘅白松露菜式。餐廳將即席喺顧客面前刨出一片片嘅新鮮白松露，帶嚟最完美嘅白松露品嚐體驗。

為咗帶出白松露最原始嘅味道，菜單嘅第一道白松露菜式為- 芝士馬鈴薯泥配八岳山，中村農埸蛋黃 (Aligot served with tome fraîche and Yatsugatake egg yolk and Alba white truffle)，喺蛋黃及薯泥上加上一片片新鮮刨出嘅阿爾巴(Alba)白松露，令顧客可以一嚐白松露最原始嘅獨特風味。

其餘兩道白松露菜式包括：主菜自製意大利麵配Alba 白松露 (the Homemade pasta served with Alba white truffle) 和甜品- 日本士多啤梨配 Alba 白松露 (Japanese strawberry served with Alba white truffle)。

à nu 為咗確保餐廳供應嘅白松露嘅品質，每粒白松露嘅重量必須超過 100 克，而所有白松露都係由被譽為世界上最罕有及最優質嘅白松露原產地意大利阿爾巴嘅最大供應商 Tartufi Morra 直接進口，供應期通常為每年 10 月至 12 月底。Tartufi Morra 係世界上最尊貴嘅松露供應商之一，其產品僅供應予全球精選餐廳集團，當中包括意大利嘅 Piazza Duomo (餐廳在世界排名第 15 位，喺2018 年取得第三粒米芝蓮星級認可) 。

餐廳將為白松露菜單中嘅三道菜式提供約 5-6 克嘅新鮮白松露片。如欲將 à nu 嘅白松露體驗提升至更高境界，顧客可選購個人喜歡嘅原粒白松露搭配菜餚享用，價格為每克港幣$60。為確保食材品質，菜單可能會根據季節及食材供應情況而有所改變。