北海道鄉土料理專門店「帯広はげ天」（OBIHIRO HAGETEN）嘅日式鍋物向來深受香港嘅日本美食愛好者歡迎。呢個冬季，餐廳特別呈獻兩款全新特色火鍋，喺寒冷乾燥嘅季節為食客送上暖意。

位於尖沙咀圓方嘅「帯広はげ天」乃品牌首間日本海外分店，秉持北海道鄉土料理精神，將日本以至世界各地嘅優質食材送到香港店，為食客帶嚟純樸真摯嘅滋味。創辦人矢野省六相信烹製佳餚嘅時候，不惜一切精挑食材，到而家嘅第三代店主矢野整社長仍秉承「美味佳餚源自優質食材」嘅宗旨，極為注重食材嘅季節性及新鮮度。

嶄新登場：骨膠原豆乳和牛鍋 及 極上漁師鍋 

今個秋冬，「帯広はげ天」創作兩款全新鍋物：骨膠原豆乳和牛鍋（港幣$488）嘅湯底係骨膠原豆乳雞白湯，配合日本直送A4級和牛，以及菠菜、旺菜、葛絲、硬豆腐、舞茸、甘笋、金菇、大蔥等精選食材，最後加入拉麵吸收濃湯，俾食客嚐盡濃郁精華，乃一場滋養身心嘅盛宴。

極上漁師鍋（港幣$560）嘅湯底包括海膽醬、木魚湯及豆乳雞湯，配搭大量矜貴海鮮食材，如馬糞海膽、三文魚、赤海蝦、鱈場蟹腳、鯛魚、油甘魚，仲有配菜如水菜、本菇、大蔥絲以及燒硬豆腐，糅合多種鮮味同口感，為味蕾帶嚟極致豐富享受。

此外，「帯広はげ天」今季同時呈獻多款招牌鍋物。和牛壽喜燒（港幣$390）採用A4級和牛，配合壽喜汁和雞蛋，專為喜愛傳統日菜嘅牛癡而設。特選漁師鍋（港幣$380）以海鮮作賣點，鱈場蟹腳、鮮蠔、三文魚、鮮帶子配合鹽味帆立貝湯底，海鮮風味更為突出。

骨膠原豆乳雞鍋（港幣$320）以日本雞腿肉配搭骨膠原豆乳雞白湯，雞味濃厚。鱈場蟹味噌鍋（港幣$350）以鱈場蟹作主打，配合蝦味噌湯底，滿載鮮味。牛乳石狩鍋（港幣$368）嘅湯底以真鯛湯底、麵豉湯及牛奶熬製而成，令日本生蠔及三文魚腩更顯鮮嫩。

其他秋冬精選美食包括：海老天婦羅（港幣$48）、銀鱈魚西京燒（港幣$165）、芝士玉子燒（港幣$68）、特上漁場刺身盛合（港幣$295）、日式海鮮茶壺湯（港幣$68）、十勝帶廣名物豚丼（港幣$145）等。