新時代航空公司越捷今年再接再厲，獲得全球唯一嘅航空公司安全及服務評級網站 AirlineRatings 評選為「最佳廉航 2019」。

今次已經係越捷連續兩年喺 AirlineRatings 全球最佳航空公司大獎中勇奪殊榮。根據 AirlineRatings 嘅數據，越捷迅速擴大其機隊及航線網絡，以優秀嘅機組人員同超低票價給予以往難以承擔航空旅遊嘅朋友暢遊各地嘅機會，確實係喺航空業創造咗革命性趨勢。

AirlineRatings.com 總編輯 Geoffrey Thomas 表示越捷精於營銷，喺製造娛樂性背後其實係一個精明而認真嘅商業計劃，為數百萬人帶嚟經濟實惠嘅旅行。呢啲前瞻性行動正為航空業帶嚟轉變。

最近，越捷亦同時獲得 AirlineRatings.com 評選為７星最高安全評級，更因財務穩健及營運可靠，登上《航空金融》的 2018 全球最佳五十大航空公司排名。

AirlineRatings.com 全球最佳航空公司大獎由七位資深編輯作評判，評選準則結合咗安全性及政府審計數據，12 項主要評審指標包括：機齡、乘客對航空公司嘅評價、投資評級、產品供應及員工關係等。全球最佳航空公司 2019 得獎名單涵蓋唔同類別嘅航空公司，如新加坡航空、卡塔爾航空、澳洲航空、維珍澳大利亞航空及大韓航空等。