一田百貨（沙田）上月底開始試業，新店除咗特意打造「#Beauty+」、「#Fashion+」、「#Sport+」、「#Food+」4大全新主題專區，仲帶嚟多項破格購物體驗及數碼化新設施，為顧客「+」入意想不到嘅購物驚喜！

驚喜一浪接一浪，為咗慶祝一田沙田旗艦店將會喺12月2日（星期日）隆重開幕，一田仲邀請到兩大日本人氣「萌」友Hello Kitty及KUMAMON，由12月1至31日，破天荒聯手打造全港首個《一田x Hello Kitty x KUMAMON Let’s Party》，推出一系列驚喜活動及獨家發售嘅別注版聯乘產品，為新店爆發更多Surprise！同時，一田全線超市舉行一田X熊本縣物產展，全線賀一田（沙田）店首階段重開。

去年2月份西環店及7月份將軍澳店開張時，分別邀請到Hello Kitty 及 KUMAMON參與開店企劃。作為今年壓軸重頭戲嘅一田沙田旗艦店隆重開幕，一田仲有幸邀得兩為日本「萌」友，首次喺香港聯手舉辦Crossover 企劃，將全新裝潢嘅沙田店打造成夢幻派對樂園。

一踏進沙田店1樓及3樓入口，分別見到2大「萌」Hello Kitty與KUMAMON孖住以及舉杯歡迎大家來到參與派對！步入展場更被Hello Kitty和KUMAMON聯乘產品包圍，心心眼之餘粉絲們千萬唔好錯過5大打卡相位，2米高巨型即影即有相框同2大「萌」友先來張合照、KUMAMON造型夢幻號列車帶嚟過百款聯乘產品、巨型KUMAMON造型旋轉咖啡杯與Hello Kitty齊齊拍照、仲有Hello Kitty造型趣緻爆谷桶甜蜜慶開店，最後仲有歡樂小帳蓬，穿插於展場間滿載聯乘商品，粉絲們可以到處留影，必定大滿足！

兩位重量級萬人迷登場，點會只得影相位！現場還有過100款4大主題一田獨家設計嘅Hello Kitty X KUMAMON產品，包括旅行用品、潮流服飾、文具精品及嬰孩服飾，無論你係Hello Kitty 迷定係KUMAMON迷都唔可以錯過！

一田推出嘅Character行李喼向來大受歡迎，留意今次必搶型格款主題行李喼，配埋密碼行李帶、行李牌、雙面變身豆豆頸枕，帶住遊走日本一定會弔嚟羨慕目光！

場內仲有多款型格服飾，女裝有印花衛衣、長身衛衣、喱士花邊衫，男裝有Hoodie、T-Shirt、外套等，更有TOOT推出嘅手袋及爆谷造型化妝袋喺網上預訂，等粉絲全身Full Gear上陣參加Party！

主題精品除咗必買嘅電話套、連蓋水杯等，仲特別推出小童八達通錶及小童迷你相機，迷你相機仲附有主題相框及裝飾貼紙，一按「咔嚓」操作簡易，用嚟交換禮物驚喜滿點！

同場仲有毛茸茸小童連帽背心和嬰兒帽仔手套等嬰孩服飾，小朋友着超嚟Cute爆全場！

推廣期間，喺一田百貨（沙田）購買Hello Kitty X KUMAMON 產品滿HK$300/HK$500/HK$800或以上，即可換領Hello Kitty X KUMAMON A4 文件夾/襟章/座枱裝飾乙份。數量有限，換完即止。

一田 X 熊本物產祭　當造旬果新鮮直送

身為熊本縣營業部長嘅KUMAMON來到香港，就當然會帶埋家鄉美食嚟探我地啦！熊本縣一向以清澈水源及肥沃土壤而引以自豪，加上農家們傾盡心機嘅研發及栽種，所出產嘅農作物都特別美味！踏入冬季，部長帶嚟當造嘅熊本玉名熊紅草莓、車厘茄、蜜柑外，更特別推薦熊本特產立體西瓜。

凡喺沙田店購買任何熊本縣產物，便可即場參加由熊本縣木匠職人舉辦嘅「手磨木匙工作坊」一次。先到先得，額滿即止。

一田沙田店開幕式典及見面會　兩大萌友12.02現身會場

一田百貨（沙田）將於12月2日中午12時正舉行開幕式典，到時兩位萬人迷 Hello Kitty 及 KUMAMON 會現身會場慶祝一田沙田店正式開業，仲會於台上與嘉賓玩遊戲及舉辦Fans見面會，想知更多詳情，大家記得留意一田facebook啦！