隨住健康飲食喺港越趨普及,港人嘅飲食習慣亦開始傾向多菜嘅選擇。一直以創新鐵板料理為顧客帶嚟歡樂嘅Pepper Lunch決定搞搞新意思,由即日起推出全新「自選蔬菜組合」,帶嚟七款全新蔬菜配料,等顧客Mix出自我風格,創造無限滋味可能!
此外,全線Pepper Lunch 餐廳更加入無肉餐單,兩款輕型之選菜式重新上市,提供更健康及多元化嘅滋味選擇。為進一步鼓勵大家發揮創意製作自己嘅鐵板料理,Pepper Lunch更將會喺12月快閃各大專院校及鬧市,與大家玩遊戲並送上接近10,000份自選蔬菜組合嘅禮券及滋味水果杯。現參與Pepper Lunch Facebook情詩創作大賽,仲有機會獲得港幣$500現金券,盡情發掘喺鐵板上Mix&Match嘅驚喜。
全新自選蔬菜組合 創造無限滋味可能
為打破Pepper Lunch 只係食肉獸天堂這既定形象,並讓大家創作鐵板料理時有更多健康選擇,Pepper Lunch即日起推出七款蔬菜配料,包括西蘭花、翠玉瓜、秋葵、泡菜、芽菜、粟米以及香菇。客人於Pepper Lunch購買任何鐵板餐,只要加港幣3元、5元及7元,就可以分別任選 1、2及3款蔬菜配料,配搭出多菜少肉嘅鐵板餐。
輕盈之選重新上市 輕鬆製作無肉鐵板料理
除咗推出七款蔬菜配料外,喜歡蔬食嘅朋友,仲可以喺Pepper Lunch餐廳點選兩款輕型之選,並加入蔬菜配料,創作自己無肉鐵板料理。
菜菜子首度曝光!穿梭鬧市及各大專院校 大派近萬份超抵禮券及滋味水果杯
為咗拉近跟粉絲嘅距離,Pepper Lunch特意打造出「自選蔬菜組合」嘅靈魂人物 ─ 菜菜子﹝Miss Veggie﹞。親民大方的菜菜子,身穿一襲清新蔬菜裙,鼓勵大家加入蔬菜配料,大膽創作各款鐵板料理。在十二月,佢將會快閃各大專院校及現身鬧市,跟年尾特別忙碌嘅打工一族,以及學期尾正在考試嘅學生們大玩遊戲,送出近萬份自選蔬菜組合嘅禮券及滋味水果杯,為佢地打打氣、減減壓!更重要嘅係,菜菜子希望大家喺百忙之中,都要注意均衡飲食,按時進食!
全民激賞!Pepper Lunch Facebook情詩創作大賽 送出 $500現金券
由即日起,Pepper Lunch 喺 Facebook舉辦情詩創作大賽,形式字數不限,但參賽者必須喺詩中傳遞「更多選擇」、「自我風格」或「蔬菜組合」的意思,以表達對菜菜子嘅喜愛。Pepper Lunch 將會根據作品內容、原創性及創意,挑選1位大贏家,送出$500嘅Pepper Lunch現金券;並挑選5個優異作品,送出$50 Pepper Lunch現金券。自問文質彬彬、創意爆燈嘅你,定必不能錯過!
活動網址:https://bit.ly/2Qj57xn
截止日期:2018年12月16日