現代女性擁有精彩人生,佢地堅強自信,樂觀積極,勇於追尋目標及夢想,由內而外展現迷人特質,如變化萬千嘅萬花筒,每秒鐘轉換出變化多端,瑰麗如夢嘅斑斕圖案。
呢份美麗啟發咗瑞士天梭表以此為藍本,創作出全新嘅Lady Heart Flower 80小時動力儲存女裝自動腕錶系列,腕錶嘅12點位置置有一扇縷空花形視窗,透視出隨時間而轉動嘅彩色轉盤,為優雅時尚嘅女士加添動人魅力。
腕錶採用咗 Powermatic 80自動機芯,具備高達80小時嘅動力儲存,絕對適合忙碌嘅現代女性。為隆重其事,瑞士天梭表請嚟雙料視后田蕊妮、知性才女Janis陳貝兒以及人氣時裝博客Mayo Wo拍攝一系列嘅宣傳照片,更大談佢地對現代女性迷人特質嘅看法。
田蕊妮承傳母親 日益展現獨立女性成熟美態
演而優則唱嘅雙料視后田蕊妮近日忙於宣傳新唱片,並表示來年重點會放喺唱歌事業:「我熱愛演戲,但唱歌係我一直以嚟嘅夢想,縱使呢個夢想花咗近20年才能達成,但我從無放棄過。」
田蕊妮更透露即將派台新歌嘅其中一句歌詞「圓滑了才明白憤怒」正正表達出佢現階段嘅人生:「我曾經係一個好自我中心嘅人,但種種嘅經歷令我成長,現階段嘅我棱角被磨平,但並唔代表我失去自我嘅堅持,只係因為了解而學懂以較為溫婉嘅方式去處理同一件事。」
佢更透露母親嘅逝世令佢覺悟到人生無絕對嘅對與錯,好與壞,因為世事每秒鐘都轉變緊,每個時刻都會帶領下一個時刻嘅出現,此刻嘅不快樂可能會因下一刻所發生嘅事情而有截然不同嘅轉變,與Lady Heart Flower 80小時動力儲存女裝自動腕錶嘅彩色轉盤原理極為相似,每秒鐘均轉動出唔同嘅色彩,令人無法預料,提示佢唔使因此而執著:「既然無絕對嘅對與錯,與其花時間及心力去糾結邊個先係正確嘅選擇,點解唔大膽地做決定?再者,每個人都係喺危機中成長,偶爾嘅錯誤先係人生最精彩嘅部分。」
愈見成熟嘅田蕊妮,擁有無畏懼嘅堅強與果斷,令拍攝當日嘅工作人員無不讚同佢與Lady Heart Flower 80小時動力儲存女裝自動腕錶所展現出嘅氣質極為相近。
知性才女陳貝兒 自製甜蜜味道 憑感覺活出精彩人生
外表溫柔似水嘅Janis 陳貝兒非常有自己一套想法,不但有清晰目標,更付諸實行,已擁有多間素食餐廳嘅佢近日更報讀專業法國甜品課程,以獲得喺法國當地開餐廳嘅資格,但Janis透露當初其實有唔少反對聲音,但就無令她卻步:「我唔會因為見到希望先去堅持,反之我深信要不斷堅持先可以見到希望,而我亦係因為呢一份堅持先走到今天這一步。」
談到選擇學習法國甜品嘅原因,Janis表示除咗因為從小已對呢方面有興趣之外,更坦言走過婚姻低潮後,深信生命中嘅甜蜜可以自己去創造,且可以分享出去。
喺學習法國甜品嘅過程中,佢更悟出人生道理:「要製作出有靈魂嘅甜品,並不可以依賴食譜,反之要相信自己嘅感覺及味覺,就好似人生一樣,並無固定嘅方程式,每個人都有適合自己嘅步伐及選擇,只有不被社會嘅所謂準則去限制自己,先可以活出精彩人生。」
Janis更認為每個經歷都係一個學習過程,更可從中揾到不同嘅色彩,所以佢好欣賞Lady Heart Flower 80小時動力儲存女裝自動腕錶嘅彩色轉盤,正正反映出呢份精神。
人氣時裝博客Mayo Wo 忠於自己興趣 樂觀態度面對人生一個苦與樂的時刻
由十幾年前開始,喺網上平台分享穿搭而慢慢獲得一眾粉絲支持嘅人氣時裝博客Mayo Wo喺拍攝當天對腕錶愛不釋手,大讚Lady Heart Flower 80小時動力儲存女裝自動腕錶設計大方優雅,經典百搭,更欣賞系列所代表嘅現代女性特質。
佢認為自己擁有現化女性樂觀積極嘅性格,更助佢踏上blogger之路:「當時我啱啱投身社會,日復日嘅辦公室生涯無比苦悶,令我失去方向,感到相當迷惘,但我並無因此而感到自憐,反之我嘗試苦中作樂,利用工餘時間去分享我所熱愛嘅時裝穿搭,慢慢成就今天嘅一切。」
坦言多年嚟從未想過要成功的Mayo表示,一路走來只係忠於自己對時裝嘅熱情,呢份興趣帶俾佢嘅快樂及滿足感足以推動佢繼續堅持下去。