話咁快就已經嚟到十二月啦,2018年好快就會過去。你計劃好點樣跨年未呢?唔想年年都留喺香港過咁一成不變嘅話,就不如考慮去其他地方迎曙光,為2019年做返個好開端。今次小編就特意揀咗幾個唔同嘅地方,同大家推介一下喺邊睇日出好!
#台灣合歡山
合歡山有雪鄉之稱,喺秋冬去就最啱賞雪啦!喺呢度你可以喺壯麗嘅雲海中迎接第一道曙光,欣賞霧鎖群峰嘅美景。
#台灣阿里山
提到日出又點少得阿里山呢?當地以日出聞名海外。如果想睇日出嘅話就記住要留意火車票嘅販賣時間,以及火車開動嘅時間。因為每個季節嘅開動時間都會唔一樣咖!
#泰國帕差那萊懸崖 Pha Chanadai
呢個地方係迎接泰國曙光嘅最好位置,站喺懸崖上嘅時候你仲可以將泰寮嘅分界河─湄公河,以及對岸嘅風光都收入眼簾。
#日本犬吠埼
呢個係喺日本相當受歡迎嘅睇日出地點,太陽會由海面徐徐升起,將天空與海平線嘅交界模糊化。喺元旦嘅時候會有特別加開到逹犬吠埼嘅電車,所以交通都係相當方便咖。
Tags: Homita去旅行
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like