信和集團夥拍多媒體藝術策劃公司 Niio 破天荒呈獻「信和集團 x Niio 數碼光影藝術作品賽 2018/19」,為年輕藝術家提供前所未有嘅展示平台。呢個世界級嘅藝術作品賽邀請咗全球新媒體新晉藝術家與美術學生發揮無限創意,遞交獨一無二嘅數碼光影作品,喺聖誕及農曆新年間照亮維港夜空。
信和集團將首次喺聖誕及新年期間以數碼動態影像作節慶裝飾,點綴兩座尖沙咀物業外牆。得獎作品將會喺尖沙咀中心及帝國中心兩幅大型多媒體幕牆上展出。 呢兩個多媒體幕牆由6 萬5千顆變色LED 圓點燈組成,總面積超過4,000 平方米。觀眾無論置身灣仔、銅鑼灣,甚至東區走廊,都能看到耀眼嘅得獎作品!
信和集團商場推廣副總經理梁翠珊女士表示信和集團過去 35 年一直帶領尖沙咀節慶燈飾文化。今年我地好高興更進一步,夥拍多媒體藝術平台 Niio ,透過呢個全球性比賽,為勝出嘅藝術家帶嚟難能可貴嘅機會,喺數以百萬計港人及來自世界各地嘅旅客見證下,將呢個傳統以嶄新形式延續下去。信和集團每位成員都好期待得獎作品喺聖誕及農曆新年期間,點綴尖沙咀中心及帝國中心外牆,等普羅大眾都可以享受藝術。
「信和集團 x Niio 數碼光影藝術作品賽 2018/19」係香港首個同類型嘅藝術獎項,旨在與年輕藝術家分享重要嘅數碼媒體展示平台,培育新一代人才。呢個開放俾全球藝術家參與嘅比賽將設兩個題目組別:「祝福」及「新生」,希望藉此激發藝術家對傳統節日燈飾嘅創新聯想。
「祝福」以節日、慶祝、成長等概念作為副題,得獎作品將於12 月(包括聖誕期間)展出;「新生」則象徵春天、茂盛、成長及新氣息,得獎作品會與將於 2019 年 1 至 2 月(包括農曆新年期間)展出。
大會評審團將會為兩個組別各選出一名冠軍、一名亞軍及三名優異獎,其得獎作品將於尖沙咀中心及帝國中心外牆屏幕上展出。每個組別嘅冠軍得獎者將獲得現金獎 4,000 美元、來回香港機票及住宿(或相等於來回東京嘅旅遊獎金予以香港為根據地嘅藝術家)以及Niio 4K 數碼藝術播放器;亞軍得獎者將獲得現金獎 900 美元以及 Niio 4K 數碼藝術播放器;每位優異獎得獎者將獲得現金獎 500 美元。