係呢個節日入面，紅色一定係主角，內地肯德基亦因應推出石榴批，小編有機會北上就梗係唔會錯過啦！除咗石榴批，仲有比利時朱古力雪糕同2杯冬日特飲，等小編同大家報告試食心得啦！
石榴批係今次嘅重點，包裝已經充滿節日氣氛，打開入面係粉紅色嘅批，裡面有一粒粒好似真石榴粒一樣嘅爆爆珠。咬落口唔會太甜，但神奇地會有莓果嘅香味，咬開石榴爆爆珠，口內又會爆開一陣果實嘅香味，大推薦啊！
比利時黑朱古力雪榚，小編叫咗扭紋杯，上面會有濃厚嘅朱古力醬。雖然扭紋杯只有一半嘅黑朱古力雪榚，但都食得出黑朱古力嘅香濃，小編覺得比港版更勝一籌！朱古力控一定要試試啊！
紅豆酒釀飲，一開始小編唔係好敢飲，因為佢聞上去係菜乾嘅味道，但估唔到入口又幾神奇隱約嘅甜味，不過飲到底就麻麻地，啲渣真心唔太好食，總結黎講幾值得一試。
戀橙烏龍茶小編係為佢個Minion暖手杯而去的，係Minion組成嘅聖誕樹啊！好可愛：）未打開蓋都聞到好香橙味，本身覺得橙加熱應該好怪，估唔到又係一杯暖入心嘅飲品！唔會太甜都唔會澀，好有冬日嘅味道好舒服！
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
