作為一個有錢無時間嘅香港人,得閒死都唔得閒病,就連想請假去環遊世界都要跨過重重難關。係依個煩囂嘅都市到,點都要出去行下、休息下。而我就選擇係週末窮遊日本,用短暫嘅時間放鬆心情。好多朋友都問我:「你去得嗰兩日一夜做得啲咩?」窮遊同兩日一夜遊嘅樂趣,凡夫俗子係唔會明㗎啦!不過一唔小心洗多咗錢,分分鐘窮遊變「豪遊」。今日,就等我帶大家帶下我係日本旅行嗰時,唔小心燒多咗錢嘅地方啦!
# 夾公仔
(google 圖片)
日本最出名嘅,莫過於當地嘅娃娃機。入面不論figure、公仔、零食、手錶、T-shirt,甚至連手錶同袋都可以「夾」返屋企。誇張起上嚟,仲可以將啲戰利品塞爆成個行李箱。不過,人生不如意之事十常八九,夾公仔都一樣。自問自己係一個好勝心強嘅人,一定要「夾」到想要嘅獎品。尤其係見到新出嘅「老公」、「老婆」係部機入面,就更加想得到佢哋。但往往就因為好勝心,將所有錢都「課金」落夾公仔上。
# 的士
(google 圖片)
相信各位有去過同無去過日本旅行嘅人,都會聽過日本嘅交通費貴,特別係的士。試過有次去東京,掛住玩無留意到時間,一回頭已經趕唔切去機場check in (除咗的士之外)。好好彩咁比我趕頭趕命趕得切去機場check in,但咁就無咗2萬7千円。各位精明嘅窮遊人士千其唔好學我咁玩到唔知時間!要記住預多啲時間去check in啊!
# 遊戲機中心
(google 圖片)
「乜娃娃機唔係係遊戲機中心入面咩?小編你想『牙』字數呀?」唔係…因為我想專寫遊戲機。話哂日本最出名嘅係遍佈全國嘅遊戲機中心,而且入面有齊最新嘅關卡同遊戲,我又點可以唔去朝聖呢?日本嘅遊戲機中心往往有一股磁力將人吸入去,而且入面有咁多新野玩,小數怕長計,玩下玩下又唔知燒咗幾多錢了。
# 突如其來的期間限定Cafe
(google 圖片)
雖然依加嘅資訊科技發達,但都唔係所有活動都會傳到去你耳邊。期間限定嘅Cafe就係期中一樣。係日本到行行下街嘅時侯,突然到以自己鍾意嘅動漫造主題嘅Cafe,望一望個活動時間…聽日就係Last Day啦!為咗食主題Cafe,我諗都無諗過就入咗去。簡單一set主菜、甜品同飲品,再買埋啲周邊…望望銀包先!啲錢又比我用哂啦!
(google 圖片)
唔知大家又有無試過窮遊變「豪遊」,係啲細微位到唔覺意燒多咗錢呢?你哋燒錢嘅地方係咪又同我一樣呢?如果唔係嘅話,歡迎係下面留言話我知,等我可以結識多啲同我一樣鍾意「窮」遊世界嘅朋友。