為咗俾大眾更深入認識香港品牌,羅氏集團旗下品牌「香港掂檔」會喺2019年1月7至9日(星期一至三)參加「第十七香港國際授權展」。今次參展除咗帶嚟一系列自家設計作品,更與多個出色嘅香港原創設計品牌合作,帶嚟作品展覽及本地薑吉祥物與大家拍照留念,展現「香港掂檔」精神。
「香港掂檔」為本地品牌發展出一分力
羅氏集團旗下「香港掂檔」多年嚟一直支持本地高品質創作,致力發掘傑出嘅本地品牌,以促進香港品牌多元化發展。同時提供一個有利嘅平台,等本地品牌發揮多元嘅創新意念。喺過去數年間,「香港掂檔」曾舉辦多個主題活動包括於街頭嘉年華、「十大匠人選舉」、工作坊、特許專櫃等,於2018年9月更連同本地多個設計品牌進駐台灣一連兩日嘅「一口吃下香港:港味市集」,冀能進一步推動本地創意文化發展。
「香港掂檔」亦不定期推出自家產品及藝術作品,並憑著強大品牌及設計師網絡,與多個單位及創意產業持分者合作,策劃一系列展現本地品牌獨特魅力嘅聯乘產品及推廣活動。
首度參與授權展 宣揚「香港掂檔」精神
今次香港國際授權展攤位以霓虹招牌為設計意念,不但將本地知名老字號品牌進行二次創作,更加入多款潮語燈箱裝飾,既保留咗傳統品牌及霓虹招牌嘅特色,同時融入新潮創作,等嚟自唔同背景、不同年代嘅人士產生共鳴。
展覽中,除咗展出「香港掂檔」嘅一系列自家產品,仲會帶嚟入圍「十大匠人選舉」嘅新興原創設計品牌,包括小塗蛙JasonTommy Illustration、巨人染 Giant Tie Dye、練黑龍等,除咗呈現佢地出色嘅藝術設計及創意,更會播出「十大匠人選舉」得獎設計師嘅獨家訪問片段及比賽當日嘅花絮,藉此推廣香港品牌嘅特色及優點。
香港設計吉祥物 現身攤位見面
「香港掂檔」將伙拍多個香港設計的卡通和漫畫吉祥物,喺1月7日現身攤位與大家見面,並設有拍攝時段(實際時間稍後公佈),切勿錯過。
展覽攤位詳情
日期:2019年1月7至9日(星期一至三)
時間:上午9時30分至晚上6時30分
地點:香港會議展覽中心大會堂攤位GH-M04
(地址:灣仔博覽道一號香港會議展覽中心L3)