東薈城名店倉今個農曆新年呈獻「財源滾滾 好事環繞」嘅主題活動，以迎接金豬年嘅來臨。由1月18日至2月19日，東薈城名店倉特以象徵財運亨通嘅銅錢，喺場內設有多組金光璀璨嘅銅錢大型裝置，祝願港人來年財源廣進！想新一年由頭旺到落尾？就要去東薈城沾下旺氣啦。

動感銅錢利是封  送上財星高照好意頭

東薈城名店倉今年嘅利是封以「財源滾滾」為設計概念，仲加入咗一對男女童與銅錢嘅趣緻互動，只要輕輕拉動封套，就可以見到佢地推動巨型銅錢向前嘅畫面，設計感十足。

換領方法：凡於1月23日至2月10日期間，喺東薈城名店倉場內指定商戶以電子貨幣即日消費滿港幣2,000元，即可免費換領一套 (桃紅色及亮橙色各5個，合共10個利是封)。數量有限，換完即止。

熠熠生輝嘅銅錢祝願來年豐衣足食

商場內設有拱形長廊，由串串銅錢及圓柱打造而成，銅錢上飾以鏡面，散發富泰嘅氛圍，拱廊更由中心向外逐漸變大，象徵財富聚沙成塔，生生不息。一排漸層顏色嘅風車列陣於拱廊前面，寓意新年風生水起，好運齊來。

港人近年熱愛「打卡」，銅錢特配以鏡面嘅設計，折射出場內精緻俏麗嘅佈置，提供亮麗嘅背景俾市民selfie 一番，並上載至Facebook等社交平台呃LIKE點讚。

估中地庫一樓賀年裝置上嘅銅錢數量，即有機會獲贈Michael Kors手袋乙個 (價值港幣4,400元) 。

精彩不絕嘅賀歲舞蹈表演

為推高場內嘅新春氣氛，東薈城仲邀請到Neverland流行舞蹈學院參與賀歲舞蹈表演。

Neverland由星級舞蹈總監麥秋成創辦，成員將到商場上演精彩中西薈萃嘅Hip Hop及Jazz表演。