廣受大眾歡迎嘅Beerliner German Bar & Restaurant一直主打傳統德國美饌，深受食客嘅愛戴。為迎接新一年，全線六間分店將會帶嚟全新冬日優惠及重量級8-10人派對拼盤，並隆重推出最新主餐牌，德籍行政總廚Jörn Henninger會於喺2019年繼續為食客呈獻更多經典德式滋味！
冬日限定精選優惠
Jörn為咗俾各方食客喺呢個季節大快朵頤，特別炮製出充滿冬日氣氛嘅蜜糖燒烤汁豬肋骨配薯條($88)，500克的豬肋骨上鋪咗一層濃郁嘅燒烤汁，仲有芳郁撲鼻嘅藍芝士汁作點綴，與香脆嘅炸薯條同食非常匹配，啖啖誘人。客人由即日起至1月31日期間，喺Beerliner任何一間分店即可以優惠價享用指定燒豬肋骨一份！
含酒精德式暖紅酒配德式蘋果卷($88)
與此同時，全線 Beerliner會推出期間限定嘅德式暖紅酒(Mulled wine)特飲，客人可以即日起至2月28日期間以優惠價$58享用一杯含酒精或無酒精嘅德式暖紅酒。含酒精暖紅酒以紅酒、肉桂、八角、丁香及糖等調製而成，而杯上會放上一個載有黑糖嘅濾匙，即席加入燃燒中嘅茴香酒Sambuca，溶解嘅黑糖與茴香酒慢慢滲入紅酒之中，整個過程為客人帶嚟一場精彩嘅視覺享受！
暖紅酒帶有淡淡黑糖香，為你帶來溫馨暖心的冬日感覺。而清新怡人嘅無酒精暖紅酒絕對係健康之選，這款用咗蘋果汁、橙汁、蔓越莓汁及香草等炮製，酸酸甜甜嘅感覺令人一試傾心。客人更可另加$30享用一份傳統甜點德式蘋果卷，伴上手指餅及風乾水果片，令晚餐加倍盡興！
派對狂熱巨型拼盤
派對狂熱巨型拼盤($350/位，8-10位用)
於聖誕前推出嘅期間限定派對狂熱巨型拼盤(每位$350，8-10 位用)大受歡迎，不少食客都同三五知己一齊到Beerliner歡度佳節，開懷暢飲。為咗延續熱潮，Beerliner決定繼續推出呢款巨型德式美饌，與你一起迎接2019年嘅來臨！
前菜拼盤當中包括多款小食及沙律：煙三文魚泡芙、香脆魷魚圈、德式香草炸雞鎚、德式鮮菜沙律、德式薯仔沙律、德式麵包圈配風乾火腿、燒豬手肉絲卷及薯條，滋味滿分。
主菜拼盤則包括：番茄黑松露醬大蝦意粉、德式鄉村肉批、原隻燒春雞、香煎紐倫堡腸、自家製墨西哥辣椒芝士腸、香煎圖林根腸及迷你辣肉腸，份量十足！呢餐巨型盛宴除咗有豐富嘅前菜拼盤及主菜拼盤外，仲包括咗2小時生啤或汽水任飲，用豐盛美饌迎接新一年！(請於一日前預訂及最少8人份量)(新城市廣場店暫不供應)
2019年最新主餐牌
Beerliner嘅廚師團隊亦為餐牌帶嚟新菜式，精心設計出唔同前菜、小食、主菜及甜品，以全新形象迎接2019年！
Jörn喺主餐牌添加幾款主菜款式，原隻特色燒春雞($175)以海草及檸檬燻香，並烤焗至金黃香脆，將其肉汁鎖緊，肉質軟嫩鮮甜，再配上大大杯德國啤酒，味道配合得天衣無縫！
牛扒愛好者必試300克燒美國肉眼扒配扒鮮菜、焗薯及蒜蓉忌廉汁($228)，味道濃郁嘅蒜蓉忌廉汁配上焗薯及美國肉眼扒，更能突出肉眼扒濃郁嘅味道。Jörn更特別設計出一道自家製德式小粉糰配燒豬腩肉卷($165)，德式小粉糰係德國嘅傳統菜式，廚師用麵粉、豆蔻粉、白胡椒、雞蛋及牛奶等材料製成麵糰，再用刀將麵糰切成幼條，烚熟後再與牛油同炒。
而燒豬腩肉卷看似平凡，但箇中烹調步驟繁複，由充滿油香的五花腩包著無骨豬柳，中間夾著香料，並以低溫烤熟。豬皮部分再特別塗上啤酒和海鹽，令烤過後嘅豬皮香脆十足，與口感軟糯嘅德式小粉糰同吃更添滋味，定能令你一試難忘！
火焰意大利雪糕意粉($68)
新餐牌嘅甜品之中，亦加入咗不少新作。除咗保留焗鮮蘋果卷($68)及黑森林蛋糕($68)等熱門選擇，今次餐牌更加入賣相精美嘅吉士醬泡芙配意大利雪糕($68)及驚喜滿分嘅火焰意大利雪糕意粉($68)。後者係一款傳統德國甜點，廚師巧妙地將意大利雲呢拿雪糕壓成幼條意粉形狀，配上曲奇碎、糖霜等材料及吸睛嘅火焰效果，甜蜜又窩心。
此外，一系列最新前菜及小食也為你帶嚟全新德式滋味體驗，當中包括健康之選德式鮮菜沙律配風乾火腿及自家製香草汁($98)及德式薯仔沙律配煙三文魚($98)。煙三文魚泡芙($73)以帶有煙燻香嘅煙三文魚片捲起黑醋洋蔥，再放入黃金香脆嘅泡芙入面，又脆又軟嘅口感令人愛不釋手。
德式肉丸配燒汁及辣根汁($74)中嘅肉丸係由混合豬肉及牛肉而成，以達至肉丸軟嫩多汁嘅口感，配上惹味嘅燒汁及辣根汁，令人回味無窮。白酒煮青口($108)更係海鮮愛好者嘅首選，先炒香洋蔥、蒜頭、香芹及牛油，再加入白酒、忌廉及芥末醬等再與新鮮青口同煮，香味撲鼻。每款都適合與三五知己分享，並佐以冰凍嘅德國啤酒，風味一流。賓客更可一嚐Beerliner 現有嘅熱門菜式，自家製鄉村肉批配薯仔及煎蛋($83)及德式啤酒漿炸鮮蝦串($102)一直都大受歡迎，絕對係一家大小分享滋味之選。
德國豬手係Beerliner嘅招牌菜式之一，客人除咗可選擇秘製德國鹹豬手配酸椰菜及薯蓉($238)之外，現全線分店更會供應水煮德國豬手配酸椰菜及薯蓉($238)。前者經24小時醃製，採用先煮後焗嘅方法，廚師先以多款香料烹調豬手，再進行高溫烤焗，令豬皮香脆十足，豬手肉味濃郁！
後者經過唔同香料醃製及5小時慢煮過程，豬皮部分入口即融，肉質軟嫩，客人可根據個人口味可選擇各具特色的德國豬手！另外人氣主菜海鮮烤肉拼盤($438)份量十足，最適合與朋友分享，當中包括鮮嫩多汁嘅龍蝦尾，軟腍無比嘅肉眼扒，味道濃郁嘅燒羊架，仲有份外惹味嘅辣肉腸，配上黑松露汁及香橙牛油汁，味道相得益彰！
特色德國黑麥啤燒乳豬配椰菜甘筍絲沙律及紅酒燴洋蔥($238)同樣受到客人嘅歡迎，特別運用黑麥啤酒來塗上乳豬皮一起烤焗，豬皮上淡淡嘅啤酒香令人垂涎三尺！快與親友於新一年蒞臨Beerliner感受正宗德國情懷！
Beerliner German Bar & Restaurant分店資料
Beerliner German Bar & Restaurant (新城市廣場)
電話：+852 2152 8968
地址：新界沙田正街新城市廣場第1期108號店
Beerliner German Bar & Restaurant (黃埔花園)
電話：+852 2254 6178
地址：香港紅磡黃埔花園第4期地下G10號店
Beerliner German Bar & Restaurant (朗豪坊)
電話：+852 2972 0078
地址：香港旺角朗豪坊13樓05店
Beerliner German Bar & Restaurant (屯門市廣場)
電話：+852 2904 6333
地址：屯門市廣場一期3樓3227-3228 店
Beerliner German Bar & Restaurant (新都會廣場)
電話：+852 2796 2203
地址：葵芳新都會廣場5樓531-540店
Beerliner German Bar & Restaurant (奧海城)
電話：+852 2148 5388
地址：九龍大角咀海泓道1號奧海城3期地下G18店
