經典漫畫「PEANUTS」喺世界各地極具人氣,所以喺唔少地方,包括日本,台灣,以及香港都開咗以呢部漫畫為主題嘅餐廳。大家都知道,日本經常都會推出唔同嘅限定活動,嚟緊1月中起當地嘅PEANUTS主題餐廳就推出咗為期約兩個月嘅event啦!
「PEANUTS Cafe 中目黒」以及 「PEANUTS DINER 横浜」由1月16號到3月14號就會開始推出期間限定嘅活動" SCHROEDER & LUCY DAYS ",今次嘅嘅主題圍繞文靜愛彈琴嘅Schroeder以及一直陪伴喺對方身邊嘅Lucy。
為咗表現出Lucy對Schroeder嘅喜愛之情,今次無論係餐點定飲品都以粉紅色為主打。一齊睇下PEANUTS Cafe 中目黒及PEANUTS DINER 横浜下午二時至九時嘅餐目有咩內容啦!
茶會派對套餐 (ティーパーティーセット) 一人¥2,500(未連稅)
呢個套餐係以Lucy特意帶杯子蛋糕嚟慶祝Schroeder最愛嘅貝多芳嘅生日呢個畫面作為啟發。圖中展示嘅係兩人一齊點嘅份量,因為呢個餐係按人頭計,所以即使有成班人都可以一齊落單!
PEANUTS Cafe 中目黒 MENU
Schroeder的棉花糖牛奶(シュローダーのマシュマロミルク) ¥850(未連稅)
飲品描繪緊Schroeder彈奏鋼琴時嘅場景,杯上放上咗滿滿嘅棉花糖,再加上草苺醬以及音符造型嘅朱古力,彷彿可以聽到美妙嘅琴聲飄揚喺空中。
PEANUTS DINER 横浜 MENU
左:心型迷你小漢堡(ハートのスライダー)
右:甘薯迷你小漢堡(ビーツポテトスライダー)
粉紅朱古力噴泉(ピンク×チョコファウンテン)
烤牛肉(ローストビーフのクイーンプレート)
Lucy喺漫畫中不時都會為女性權利發聲,佢希望自己有朝一日可以成為女王又或者係總統,而呢份餐點就係以此為材製作出嚟咖啦!擺盤係咪充滿高貴氣息呢?
史努比迷們有機會嘅話就去試下呢個充滿粉紅泡泡嘅menu啦!