每到新嘅一年，大家都會不約而同地開始定立嚟緊要完成嘅目標，唔知瘦身又有無喺你地嘅要做的事項上面出現呢？為咗令你地嘅瘦身大計可以成功，小編特意揾咗平日常犯嘅六個令人發胖嘅習慣。只要留意返就一定可以減肥成功！
#快速用餐
喺進食嘅時候，身體需要一段時間先可以發放到你令覺得飽嘅訊息。如果你食得太快嘅話，進食量就好大機會不知不覺間超過咗你實際需求。長時間落嚟就會將胃部撐大，令你變得更大食，所以食野一定要慢慢嚟，唔可以急。
#攝入重油重鹽食品
想減肥成功就當然要喺選擇食物時多加留意。好多人都會覺得重口味嘅野食先夠吸引惹味，但落得過多調味嘅食物除咗會令你越食越肥之外，仲係極唔健康咖。
#唔食早餐
唔少人為咗爭取更加多睡眠時間，都會選擇唔食早餐。有啲人甚至以為唔食早餐就代表攝取少咗熱量，可以令自己減肥成功。但唔食早餐係會令你喺中午嘅時候變得更加肚餓，最後就會喺午餐嘅時候不自覺咁食得更加多野，反而會令你更加肥。
#唔飲水
養成飲水嘅習慣係好重要咖，好多人都忽略咗呢一點，一口渴就會以其他飲品去取代水嘅位置。其實水對減肥有相當好嘅效果，因為佢可以幫助排毒，每日飲八杯水都已經係基本。除咗可以有瘦身效果之外，水仲可以令皮膚變得更加靚！
#翹腳
以小編嘅觀察，香港好多人都有翹腳嘅習慣。其實翹腳係會影響到腳部嘅血液流通，因而引起水腫嘅問題。所以想雙腳嘅線條更好的話，就千祈唔好再翹腳啦！
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
