想減肥成功嘅話,最重要都係控制飲食同埋多做運動,但講就易啫,要堅持就好難啦!所以小編就揾咗個每日只要花三分鐘嘅極簡單瘦身方法,等大家喺減肥路上唔洗行得咁辛苦。
今次要介紹嘅瘦身方法「温泡手肘瘦身法」係由日本減肥專科名醫工藤孝文提出嘅,呢位醫生喺幫助患者減肥方面具有豐富經驗,患者們平均都可以減到7-8kg,而佢就認為「温泡手肘瘦身法」係最簡單而又有效嘅減肥方法之一。到底呢個方法係用咗啲咩原理呢?
「温泡手肘瘦身法」係透過令手肘受到温熱嘅刺激,再配合埋呼吸,從而活化副交感神經並鎮靜緊張嘅神經,達到抑制食慾嘅效果。如果喺飯前泡手肘嘅話就可以防止用餐時食得過量,咁就自然可以減肥成功啦!
一齊睇下温泡手肘嘅做法啦:
1. 喺盆中加入42 - 45度嘅熱水,將手肘內外側都浸泡喺熱水中
2. 浸泡過程中保持深呼吸,左右手各泡3分鐘就可以
如果對控制自己食慾無信心,又或者係唔鐘意做運動嘅話,不妨試試「温泡手肘瘦身法」!每日只要抽短短嘅3分鐘出嚟就可以啦。
Tags: Homita瘦身計
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like