唔知大家有無聽過一個名為卡嚓卡嚓山嘅日本童話故事呢？當中講述一隻殘酷嘅狸貓以各樣謊言欺騙一對老夫婦，後來就俾睇唔過眼嘅兔子所懲罰。而由富士急行營運嘅河口湖天上山公園纜車(～河口湖～ 富士山パノラマロープウェイ)就正正係呢個故事發生嘅舞台啦！

由1月19號起，河口湖天上山公園纜車嘅山頂展望台廣場將會展開點亮卡嚓卡嚓山活動(カチカチ山ライトアップイベント)。喺展望台上可以遠眺到富士山嘅景色，活動期間可以見到以山梨嘅傳統工藝甲州印傳作設計嘅巨大燈籠塔以及提燈。一旦點燈就可以見到「卡嚓卡嚓山」嘅故事以皮影戲嘅形式呈現喺眼前。

而索道由1月12日(六)至到2月23日(六)為至，將會喺每個星期六舉行花火秀。清澈嘅冬日期間上演嘅花火與爽朗夏日時嘅各有風味，就算喺夏天嘅時候已經參加過花火大會都好值得去咖。而且河口湖街上夜景迷人，配合華麗嘅星空真係靚到令人唔捨得走，想每個星期六都留喺度睇花火秀。

點亮卡嚓卡嚓山活動「カチカチ山ライトアップイベント」
日期： ２０１９年１月１９日（六）～３月３１日（日）每日舉行
(如因惡劣天氣而令索道停運就會中止活動)
點燈時間： 1600 至索道中止營業時間
地點：河口湖天上山公園纜車 山頂展望台廣場
費用： 免費 (乘搭索道時需要付費)

河口湖冬花火夜間特別營業
日期： ２０１９年１月１２日（六）～２月２３日（六）的星期六
時間：１９：００～２０：４０
花火秀時間：２０：００～２０：２０
索道費用：成人往返800円，小朋友往返400円

河口湖天上山公園纜車
營業時間：９：３０～１６：４０ (有機會變動)
地址：山梨県南都留郡富士河口湖町浅川１１６３－１