「豬」嘅外形珠圓玉潤，喺中國傳統中往往象徵財富及福氣，喺六十年代香港自家製造嘅紅膠豬錢罌更係家家必備、廣受愛戴嘅儲蓄財富工具。為咗迎接己亥豬年，始創中心別開生面以「豬仔錢罌」為主題，將香港人童年集體回憶揉合中國傳統新春節日，打造成喜慶玩味嘅新春錢罌樂園。

商場亦特邀本地錢罌收藏達人彭淑安聯乘呈獻 「豬年經典錢罌珍藏展」，喺2019年1月18日至2月17日期間，首次於香港商場展出超過一百件中古懷舊錢罌珍藏品，當中以不同年代、大小、材質、造型的「豬仔錢罌」系列最為特別，解構香港人儲蓄習慣的轉變。

亮點展品包括：現已停產嘅60年代紅膠豬仔錢罌及瓦鼓形錢罌、銀行為吸納小朋友開戶嘅不同特色錢罌，品牌及政府部門推出嘅紀念錢罌等等，充滿地道文化色彩，俾大家重拾兒時儲蓄嘅回憶。

活動期間，全場均以獨特有趣嘅「豬仔錢罌」作為佈置主題，仲採用鮮明嘅螢光色調作撞色配搭，令商場更顯喜氣，亦為傳統新春注入時尚氣息，吸睛度十足。

正門就以富貴金豬配以收藏家嘅精選展品作設計，祝願各位新一年「福」星高照，「財」運亨通。而各個入口亦都佈滿富新春色彩及吉祥語句嘅大紅燈籠，寓意大家喺新一年團圓美滿。大家更可以直接走入設置喺地面大堂嘅巨形立體懷舊金豬錢罌裝置，迎接從天而降、源源不絕嘅富貴金錢，寓意豬年財源滾滾。

同場亦會展示於早前舉辦嘅「愛心福豬錢罌Art Jam」招募活動中，由百個家庭及大學生創作及設計的100隻不同造型嘅愛心福豬錢罌，以表達佢地喺豬年心中嘅夢想及對社會未來嘅期盼。

「豬年經典錢罌珍藏展」 展出逾100件中古懷舊錢罌珍藏品
日期：2019年1月18日至2月17日
地點：始創中心 地面大堂