就到新年啦，大部份人都會趁住呢個時間好好咁整理家居，各位又開始咗一年一度嘅執屋工程未呢？但每到執行嘅時候大家都會遇到一個大問題，就係見到啲舊物就會開始回憶往事，呢樣唔捨得掉，果樣又好似有用咁，搞到執咗成日都無成果。所以今次小編就教大家幾招，等你學識斷捨離！
#檢視需要
喺清理舊物嘅時候必需記住一點，就係反覆質問到底呢件物件對自己仲有無用處，自己係咪真係需要佢。雖然係要花更多嘅時間做整理，但呢種思考方式可以幫你分別出有需要以及可以捨棄嘅物品。
#學會狠心
唔少人喺決定丟棄物品時都會左諗右諗，認為只係現在嘅自己用唔到呢件物品，有可能之後就派上用場。因此整理嘅時候要避免諗之後會點，應該着眼喺當下。如果得出無需要嘅結論，就無謂再製造唔放棄嘅理由啦！因為呢件物品只會被放置喺原位多一年。
#三思再購買
唔想下年再執得咁辛苦嘅話，就當然要學識喺源頭入手。喺購買任何物品之前都應該認真地思考到底買返去係咪真係有價值。最重要嘅係要確認咗自己並未擁有具相同用途嘅物品先好購買。記住丟咗舊嘅，先至再買新嘅，咁就可以控制家中嘅雜物數量，下年亦會少啲煩惱。
Tags: Homita私房話
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
