想瘦身但總係提唔起勁努力做運動？其實想減肥嘅道路並無想像中咁艱難，只要簡簡單單地養成飲番茄汁嘅習慣就可以。《美國營養期刊》嘅研究指出，每日飲280mL番茄汁就可以減少50%腹部脂肪，而持續八星期嘅效果就更為顯著。
呢個研究有30位20-30歲，而且BMI大於20嘅女性參與，佢地每日都飲280mL番茄汁。兩個月後佢地嘅腹部脂肪平均減少咗50%，就連血清膽固醇以及血脂肪指數亦都降低咗。
點解番茄會有咁好嘅降重功效呢？因為佢嘅熱量低，每顆約有25大卡，而且當中含有大量水份以及膳食纖維，喺進食時唔會造成血糖急升嘅情況，同時亦可以令人更易產生飽足感，避免過量進食嘅情況。
另外，蕃茄中嘅茄紅素具極強抗氧力，可以促進身體嘅新陳代謝，並且增加25%嘅脂聯素分泌，從而做到抗肥胖、抗高血糖以及血脂異常嘅效果。蕃茄亦含有豐富維他命C，能夠幫身體清除自由基，減慢衰老。
雖然蕃茄汁可以幫忙減重，但都要配合埋均衡飲食先可以成功。千祈唔好恃住自己有飲蕃茄汁就暴飲暴食呀！
Tags: Homita瘦身計
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
