香港地小人多,喺家居空間上能夠發揮嘅位置極為有限。唔想令屋企充滿壓迫感嘅話,喺設計上適當地加入鏡子就係個好辦法。因為鏡唔單只可以令到整個空間睇落更加寬敞,亦可以加添明亮嘅感覺,令有限嘅空間變得開揚温暖。一齊睇下有咩位置最啱加上鏡子啦!
#門口位置
大部分人會利用呢個空間堆放鞋子,呢個安排會俾人一種空間狹小嘅感覺。想改變呢種印象嘅話最好就喺入口處加上一面大鏡子,令到視覺上會有寛敞效果,而出門嘅時候亦可以利用鏡子整理儀容。
#客廳
客廳係款待客人嘅地方,空間不大但又想為客人營造舒適寛感覺的話,最好就係加上鏡子啦!大家可以按自己嘅家居風格加入材質不同嘅鏡子,從而擴大客廳空間,並且為室內帶嚟更明亮嘅光線。
#床頭裝飾
床頭又或者係兩側嘅位置令唔少人煩惱應該放咩上去裝飾。留白似乎過於單調,如果真係揾唔到合心意嘅裝飾品的話,不妨考慮以鏡子點綴牆壁。唔單只可以提升房間嘅格調,亦可以帶嚟全新感覺。
Tags: Homita私房話
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like