開展瘦身計劃,就意味住無得再食宵夜。但有時候半夜真係餓得滯,搞到瞓唔着,又應該點算好呢?講都唔信,其實有種宵夜唔單只食完唔會肥,反而仲幫到你燃燒脂肪,令你成功減肥添呀!
美國佛羅里達州立大學發表研究,指出喺臨瞓前半小時至一小時食茅屋芝士嘅話,除咗令你保持健康之外,仲能夠提高新陳代謝率,並幫你嘅身體修復肌肉。
但有點解芝士會令人不肥反瘦呢?茅屋芝士係一種製作芝士蛋糕嘅材料,佢嘅結構較為鬆化,所以當中嘅卡路里含量較低。另外,當中嘅蛋白質含量豐富,對於肌肉復原以及新陳代謝都好有幫助,因而做到減重效果。
但進食嘅時候要注意份量,要控制喺大約30克。如果選擇嘅係低脂茅屋芝士嘅話,上限就係80克以內。但要留意返,每個人嘅體質都唔一樣,所以呢種減肥方法唔一定對你有效咖。最妥當嘅做法都係定期做運動同均衡飲食,好好咁控制每日攝取嘅熱量。
Tags: Homita瘦身計
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like