如果你好鐘意食雪糕，就一定會愛上日本。因為日本四季都會推出以當季食材製造嘅雪糕，而且係每行幾步就有一間嘅便利店入面就有得買。今次小編就整理咗日本5大便利店嘅雪糕，比大家出發開展雪糕跳店之旅!
#Lawson
小編真係Lawson Fans！每次一去到日本就會搵Lawson買飯糰XD 佢嘅甜品同雪糕都出名多樣化，又靚又好食，今年1月草莓日推出嘅いちごづくしパフェ 簡直係太吸引，草莓肉、草莓醬、草莓蛋糕、草莓淋汁仲有草莓雪糕，一杯大滿足!
Seijo Ishii品牌冰淇淋係全國各地嘅Lawson限量發售！！ 呢個係第一款作為Seijo Ishii品牌雪糕。“牛奶冰”和“巧克力冰”，以食材嘅原味呈然，2個口味好都吸引啊！
#7-11
呢個雪糕三文冶使用咗車打芝士製成嘅雪糕，以餅乾夾住成為雪糕三文冶，口感好豐富，甜蜜之中又帶一點鹹味，好似熱戀中嘅味道啊。
大學芋係一種日式點心，同拔絲糖蕃薯嘅口味好似，7-11就推出呢個大學芋甜筒，混合咗黑芝麻嘅味道，甜筒嘅餅係以紫薯製成，鐘意食蕃薯嘅朋友必食！
森永出品嘅冰品大家都唔陌生，香港唔少地方都可以買到。今次佢地推出杏仁X士多啤梨嘅組合，以酸酸甜甜嘅雪糕搶攻草莓季。
#FamilyMart
呢個蜜糖雪糕泡芙小編大推薦哦，可以同朋友分享嘅好味道，一袋共有８個，有時仲會推出特別口味呢！
你喜歡牛奶嗎？如果大家同小編一樣喜歡濃郁的牛奶味，就唔好錯過呢個北海道牛奶甜筒哦！濃郁順滑嘅牛奶雪糕，樸素又令人感到幸福。
小編新年假期去咗九州玩，最可愛嘅食物就係白熊造型甜品啦！今次就見到呢個清爽嘅白熊冰，甜甜的牛奶入面充滿住松果，黃桃，蜜柑肉，小豆甘納豆，同鹿兒島食嘅小熊刨冰內容一樣呢！
#Minishop
想食甜野又怕太肥，Minishop呢個清爽嘅雪糕杯只有120 Kcal 食完去浸返個溫泉就冇咗啦！而且佢無添加穩定劑同乳化劑，好食又安心！
MINISHOP另一樣出名嘅一定係店內嘅芭菲，由於MINISHOP大部分分店都有得坐，可以好好地享受一下好吃嘅芭菲，佢地常推出新口味，非常受日本人歡迎喔！
#Daily Yamazaki
Daily Yamazaki 就係平時見到紅色嗰間便利店，佢地有BR雪糕販賣，經常都會推出限定口味，次次去都可以試新嘢！
#Seicomart
講咗咁多間便利店，不得不提北海道嘅「Seicomart」，去北海道旅行嘅時候，絕對唔可以錯過Seicomart！因為佢有巨!好!食!嘅北海道哈蜜瓜雪糕！
呢個Seicoma自家製嘅雪糕係熱銷超過100萬個嘅超人氣商品！季節限定嘅北海道哈密瓜，帶有濃厚香甜嘅味道，製作成甜筒，簡直係超完美搭配，好多人去北海道一日一枝！就算你唔鐘意食甜品，都一定要來試試，因為佢會令你欲罷不能喔！
其他季節口味都好受歡迎，冬天嘅栗子口味也造成風潮！
