所謂一年之計在於春,啱啱過完年就係時候為自己訂下目標,喺呢一年成為一個更好嘅自己啦!但年年訂目標,又有幾多係實現到呢?想知點解會失敗,就要檢討下自己起床後嘅習慣啦,因為呢啲看似不起眼嘅細微之處,決定咗你一日嘅生產效率。
整理待辦事項
每朝都應該抽時間去整理要做嘅事,因為清單可以提點你當日要完成咩事項,令你可以按緊急次序做好安排,處理起嚟亦都會更加有效率,以免因為雜亂安排而浪費時間。
收拾床鋪
好多人都覺得每晚都要瞓覺,就唔需要將被褥收好,以免花費不必要嘅時間。然而鋪床過程就係一個整理自己嘅好時間,趕起睡意之餘仲能令房間變得整齊,做事時當然可以事半功倍啦!
物歸原位
起床後自然係要打扮自己一番先可以出門啦,當中用到嘅小物品你又有無即時放返原位呢?長時間隨便亂放唔係一個好習慣,因為你過後就要額外花時間去重新整理。而且一個乾淨整潔嘅空間更有助提升工作效率,令人身心舒暢地完成工作。
Tags: Homita私房話
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like