正進行瘦身大計嘅人都好清楚,酒類內含嘅熱量相當高,如果想要減肥成功嘅話,飲酒就係一件必需戒除嘅習慣。但有研究顯示,有一款酒竟然係有助瘦身!
講緊嘅就係龍舌蘭酒。一間美國化學學會嘅研究指出製作呢款酒嘅龍舌蘭植物中含有「龍舌蘭蜜」,係一種天然萃取醣類,成分唔容易被人體吸收,令飲用者嘅血糖唔會急升,仲可以當作膳食纖維。
研究中以老鼠進行咗一項實驗,分別餵兩組老鼠飲「龍舌蘭蜜」水及甜味劑,比較之下發現飲咗「龍舌蘭蜜」水嘅老鼠食量比其他老鼠少,而血糖更係有所降低。所以龍舌蘭酒係有效抑制食慾咖。
假如各位喺減肥嘅時候,忍唔住口嘅話就可以用龍舌蘭酒去替代其他酒類,但都係注意返唔好飲過量酒,小酌怡情,大酌傷身呀!
Tags: Homita瘦身計
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like