上次同大家介紹嘅抹茶店係咪好吸引，今次就同大家介紹另一個打卡熱點，OCT創意文化園。
小編係一個愛逛市集嘅人，OCT創意文化園每個月第一個週末都會舉行週末市集，於是乎小編每隔一個月基本上都會北上一次去趁墟。
但呢個只係我推薦呢度其中一個原因，除咗市集之外，呢度有設計師品牌；有唔同風格嘅餐廳、Cafe；有文藝書店；有藝術展覽，無論你係想玩玩玩、食食食、影影影定買買買呢度都有齊，甚至可以上埋設計獨特嘅salon剪頭髮，點都要黎返次啦！
OCT創意文化園每期都會有唔同嘅展覽，今次我地就遇正竹藝展，欣賞到藝術家眼中大自然嘅美。
呢度基本上每間鋪頭都有花心思去裝修，隨便一影就係打卡相。
小編自己好喜歡去呢間隱於書店內嘅Cafe，雖然張張檯凳都唔同樣，但又出奇地好和諧；座係後園又勁Chill，仲有隻型仔貓貓鎮店添！
呢邊夜晚周不時都有幾間餐應會有現場駐唱，氣氛好好，食物質素都幾好，價錢又唔貴，有興趣可以上黎體驗一下。
今日就介紹到呢度，如果大家有興趣就留言話俾小編知啦，小編可以逐一為大家介紹！拜拜！
Tags: Homita小出走
如果你都想分享你嘅美容、時尚、旅行、運動心得，請將投稿文章連同不多於100字個人簡介同埋近照一張，電郵到： editor@homita.com.hk，文章經小編篩選後更有機會刊登喺我哋FB專頁，一經入選我哋會支付相應稿酬，仲唔快啲來投稿？
Author Information
You May Also Like
