Brooks Brother 慶祝二百周年紀念活動隨住新一年落下帷幕。踏入 2019 春季,品牌將焦點放喺創新設計及時尚復興上,為接下來嘅二百年作好準備。今個春季,Brooks Brothers 以白晝至黃昏各個短暫嘅生活片段作設計靈感,為大眾設計出全新時裝系列。
喺全新季度,品牌將繼續針對高級時裝作出革命性改良,以更柔軟衣料增強服裝舒適度,當中經精心剪裁嘅輕便時尚單品具備優質功能性,絕對係春季之選。而鮭魚紅色、薰衣草紫及淡藍色的毛衣和領帶定義2019 年春季嘅主色調,能打造出最時尚嘅春季男裝造型。
格紋繼續成為休閒外套、襯衫及外衣嘅主要印花圖案,打破咗沉悶嘅時尚框框之餘,更能為你帶嚟純色衣服以外嘅選擇。經典條紋設計能低調地惹嚟旁人嘅好奇目光,而粗條紋能增添時尚嘅陽光感覺。
外衣設計重點保留春季特色,飛機師夾克外套、休閒運動外套及短身軍褸均用上創新彈性布料,比起傳統物料,全新高科技物料更富彈性,能為各種動態活動做好準備,並為穿戴者帶嚟更舒適體驗。品牌重新定義傳統運動服裝,以時尚剪裁為運動服裝創造出更多可能性。
趁着春季,品牌重點改良並點綴休閒服飾系列。可以水洗嘅雙層 Merino 諾羊毛喺呢個春季變得更輕身,亦更方便於旅行時攜帶及打造層次感。此外,Supima®棉料將於本季隆重回歸,將以各種春季色調在不同系列中展示。最後,一直深受大眾歡迎嘅休閒布褲亦將於本季再次推出市場,配合輕身衣料為大眾帶嚟舒適體驗。
Brooks Brothers 2019 春季男裝系列意在「復甦」。從選色至圖紋運用,均能帶出清新感。喺嚟緊嘅二百年,品牌將繼續着手設計出更多時尚且具備優質功能性嘅時裝,為大眾開創一個又一個嶄新潮流趨勢。