草莓季節為大家帶嚟滿滿嘅幸福感，季節限定餐目真係食極都唔完呀！日本咖啡店「Café Toastina」就推出咗5款草莓甜點、麵包，每款造型都超級可愛吸引，令你食到超好味嘅草莓之外，仲可以瘋狂打卡分享上社交網站！

イチゴとホワイトチョコレートのムース　550円
草莓與朱古力絕對係天作之合！層層草莓朱古力慕絲裏面包住草莓果醬同忌廉，再疊喺加咗開心果嘅海綿蛋糕底上，最頂就綴以置於綠色朱古力上嘅草莓。成個甜點望落去就好似一粒超大型草莓，影相呃like就啱哂啦！

イチゴマカロン　550円
草莓慕絲與原粒草莓梅花間竹咁夾喺粉色馬克龍嘅中間，配上草莓醬同白朱古力忌廉，就成為呢一道外表超精緻嘅馬克龍甜品！頂部就用咗草莓、樹莓同埋藍莓做裝飾，就好似春天繁花盛開嘅景況。

イチゴとレアチーズのムース　550円
芝士慕絲被草莓曲奇、白朱古力覆蓋，再於面層疊上草莓慕絲、啫喱，帶嚟清新爽快嘅口感。最頂就用咗草莓同藍莓作點綴，外造簡潔素麗～

あまおうデニッシュ　300円（左）
丹麥麵包加埋味道豐富嘅舞浜蛋吉士醬，再喺麵包面鋪上滿滿嘅忌廉同草莓王者“あまおう”，酸酸甜甜嘅味道令你不能自拔！

イチゴミルクフランス　320円（右）
呢款練乳草莓麵包被稱為「王道」組合，多汁鮮甜嘅草莓上佈滿草莓忌廉與練乳奶油忌廉，帶嚟絕配嘅香甜味道。

カフェ「トスティーナ」 “ストロベリー スイーツ&ベーカリー”
期間：　2019年3月1日（五）～ 3月31日（日）
開催店舗：　Café Toastina（Hotel 2F）10:00～23:00
查詣：047-355-5555（代）カフェ「トスティーナ」