平日工作太忙,抽唔出時間做運動的話,行路絕對係最簡單而又可以持續做嘅活動啦!由踏出家門起,就已經係燃燒脂肪嘅好機會。如果想將行路減肥嘅效果提升嘅話,就可以參考以下四種方式,令你瘦得更多!
#速度不能太慢
行得太慢對於燃燒卡路里嘅作用唔大,所以大家必需以快步走嘅方式嚟行路。每星期至少喺五天用約30分鐘嘅時間,配合呼吸進行快走,就可以達到非常好嘅燒脂效果!
#改變路線
唔少人都會行死一條路,其實身體好快就會習慣同樣嘅路線,令到後期嘅瘦身情況未如理想。大家不妨定期改變路線,令身體不同部位嘅肌肉都得以運用,咁先有更好嘅鍛鍊效果。
#快慢步交錯
各位可以先定下快走嘅距離及時間,行完快走部分,就可以用返正常度行一分鐘,之後再進行短時間快走。呢種交錯嘅行走方式,可以令脂肪消耗得更快。
#30分鐘路程
要令身體活動起嚟燃燒卡路里,就要運動夠30分鐘!如果唔能夠一次性行完30分鐘的話,就可以將時間分為小節,喺返工、食飯、返屋企嘅路上行足。當然,最好都係以30分鐘嘅路程作為起點啦!
Tags: Homita瘦身計
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like