在2018年完成爲期20日嘅全面翻新後，七海水手號（Seven Seas Mariner）將首度回歸亞太區航線，為旅客帶嚟充滿驚喜嘅嶄新餐飲體驗及設計典雅嘅全新套房與活動空間！七海水手號將於2019年2月至4月推出四項令人難忘嘅亞洲航遊之旅，帶賓客到訪曼谷、東京及上海等地，暢遊多個優美迷人海灘與五光十色嘅城市。

挪威郵輪控股有限公司亞洲區銷售副總裁陳海勁先生表示佢一向欣賞團隊對船上每個環節所抱持嘅嚴謹態度，而近日完成翻修嘅七海水手號亦毫不例外，由華美嘅裝潢到精緻嘅設計細節，每個地方都經過反覆琢磨。此外，品牌素來看重亞洲市場，故將於2019年重推引人入勝嘅亞太區航程，俾賓客盡情探索，締造畢生難忘嘅特別回憶。

七海水手號所有餐廳都換上耳目一新嘅藝術品及裝飾，為賓客帶嚟更完美嘅餐飲體驗。其中旗艦餐廳「Compass Rose」菜單將提供前所未見嘅個性化選擇，而炫目嘅水晶吊燈亦令人眼前一亮。

喜歡游泳嘅賓客可以喺全新開放式甲板使用池邊寬闊嘅馬賽克瓷磚泳池，在淺水區戲水，或於四周嘅舒適純白躺椅享受悠閒時光。露天池畔燒烤餐廳「Pool Grill」更於午市時段新增肉扒、三文魚、烤雞和肉腸等菜式，全部使用新購置嘅紅外線烤爐即點即製。

Canyon Ranch Spa水療中心提供廣泛多元嘅養生呵護項目，並於護理室內鋪設鵝卵石磚及淺色木材。旁邊嘅健身中心配備先進運動器材，助賓客於旅途上保持強壯體魄及健康生活。

另一方面，船上所有公用空間配設全新地氈、世界級藝術名作、家具及裝飾。接待處改用雲石枱，並以亞特蘭大藝術家Tom Swanston嘅金箔作品作點綴。華麗奪目嘅中庭旋轉階梯，圍繞著加拿大工作室Tsunami Glass出品嘅大型手工吹製玻璃藝術裝置盤旋而下。客人亦可乘搭階梯旁邊嘅玻璃升降機，從不同角度欣賞此等精湛工藝。

船上所有套房均經過重新設計，連最微小嘅細節都十分講究。裝潢優雅嘅睡房選用新購入嘅Elite Slumber™高級床褥，皮革床頭板鑲有軟墊，舒適寫意，而客廳則附設豪華梳化、茶几和藝術品，直通私人陽台，盡覽一望無際嘅蔚藍大海及變化不斷嘅景致。

作爲豪華郵輪業嘅翹楚，麗晶七海郵輪以全套房全陽台嘅住宿及費用全包嘅奢華體驗著稱，船費包括無限次參加岸上觀光行程、媲美岸上著名食府嘅各種餐飲選擇、免費酒吧及酒廊、免費無線上網服務及預付小費；入住禮賓級或更高級別套房之賓客更可於啟航前享有豪華酒店住宿禮遇。品牌極盡奢華嘅精品船隊帶領旅客暢遊超過375個環球目的地，船員與賓客比例可達1比1.6，致力帶嚟完美貼心嘅服務。

七海水手號嘅亞洲航程及岸上觀光活動精彩無比，定能滿足不同旅客嘅需要。今次嘅亞洲航遊之旅將會途經區內多個風光明媚嘅獨特景點，包括高知、鹿兒島、亞庇和汶萊等地，重點航程如下：

17天緬甸探索之旅 由新加坡前往曼谷，出發日期為2019 年2月9 日（每位12,519美元起）
19天君王之旅 由上海前往東京，出發日期為2019 年3月28日（每位14,469美元起）
17天市集村莊之旅 由曼谷前往香港，出發日期為2019 年2月25日（每位12,519美元起）
13天庭園佛塔之旅 由東京前往東京，出發日期為2019 年4月15日（每位10,669美元起）
參加七海水手號亞洲航遊之旅，發掘區內的天然美景和豐富文化。預訂請登上https://www.rssc.com/。