大部份人覺得學習好嘅人字都會寫都會靚啲,而無咁優秀嘅人手字亦自然會無咁好睇。但日本最近就提出咗完全相反嘅講法,當地嘅一位補習名師指出,學習能力越高嘅同學嘅字體就會越難睇,反而字體端美嘅人喺學業上就顯得平庸。
日本補習老師林修於自己嘅節目《林先生が驚く初耳学》中提及字體與學習能力嘅關係,佢表示自己喺教學生涯中見過無數種字跡,並發現咗學習較好嘅人所寫出嘅字會更為醜陋,就好似下圖左邊寫出凌亂字跡嘅同學考上東京大學,而右邊字體端莊嘅同學就連青山學院大學都考唔入。
林修更指出,其實大部份學習表現出眾嘅同學,都擁有較醜嘅字跡。東京大學亦都做過相近嘅研究,發現校內成績位列前3份1嘅學生寫跡凌亂,而成績較後嘅學生字跡就較為整齊。
仔細一想,中學時期成績最好嘅幾位同學確實係字體較為醜樣,就連老師上堂嘅時候都特意提點佢地,要注意改善字體。睇嚟大家都要改變對於字跡美醜與學習關連嘅既定印象啦!
Tags: Homita新鮮事
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like