迎接一個季節嘅最好方式，就當然係享受當造嘅食材啦！日本「Monsoon Cafe(モンスーンカフェ)」每年都會開展「Strawberry Fair」活動，由2月25日起至五月上旬為大家送上四款可愛嘅草莓甜品，為春天添上美好嘅色彩！

ストロベリータンゴ　750円 (未連稅)
椰奶上佈滿雪糕、木薯、草莓布丁以及新鮮原粒草莓，用料超豐富！喺店內食完香辣嘅民族料理之後，再點呢款甜食嚟解辣就啱哂啦。

ストロベリーパラタ　880円 (未連稅)
燒得鬆脆嘅印度餅配搭冰凍嘅椰奶雪糕，呢個組合和諧得嚟又充滿新鮮感，令人一試難忘！

ボバ（ストロベリー＆桜ラテ）　680円 (未連稅)
提到春天，又點會少得櫻花呢？呢杯拿鐵就係由濃厚嘅草莓醬與花香四溢嘅櫻花製成，入面仲加咗口感黏糯嘅木薯。喺觀賞櫻花嘅時候飲就最啱啦！注意呢款飲品喺さいたま新都心店舖只係賣676円咖咋。

ハロハロ（ストロベリー）　880円 (未連稅)
哈囉哈囉其實係一種菲律賓甜點，通常係將甜豆、果凍等等一同混喺混喺沾有煉奶嘅碎冰當中食用。而今次店內推出嘅係士多啤梨口味，甜品底混合椰奶雪糕、草莓布丁、雪花冰，上層就堆滿咗草莓，睇到小編超心動！注意返呢款甜品並未有喺さいたま新都心店舖販賣。