覺得家中設計過於平凡,但又唔知點樣裝潢改造先好?其實唔洗諗得過於複雜,只需要加入一種元素,就已經可以將為家居提升質感、格調。講緊嘅就係雲石花紋啦!雲石為人帶嚟一種知性感覺,能夠裝飾家居之餘,又唔會過份搶眼,最適合喜愛簡約風格嘅你!
#客廳
不妨擺放以雲石為主調設計嘅家具,令整個客廳望落去既大方得體,又舒適怡人,最適合用作招待客人。
#睡房
將睡房嘅牆壁換上雲石花紋,再配上暖暖嘅淡黃燈光,就能夠輕易打造出令人愜意嘅氛圍。假如覺得改變牆色過於麻煩,亦都可以考慮換上雲石被單,簡單嘅改變都可以有相同嘅效果!
#廚房
廚房總係俾人一種油煙氣重嘅印象,只要喺設計上加添雲石元素,就可以令地方顯得明亮潔淨,帶嚟煥然一新嘅感覺。
Tags: Homita私房話
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like