白天忙於返工打拚,到夜晚就梗係要出去同朋友相聚,好好咁放鬆一下啦!喺聚會間興起嘅時候,就少不免會飲多幾杯。假如唔小心飲得太多,而第二朝又要返工嘅時候,應該點做先好呢?小編就搜羅咗4種解酒方式,等大家可以飲得盡興時,第二日都仲可以精神奕奕咁返工!
#蜂蜜水
頭痛必定係最常見嘅宿醉反應之一,而蜂蜜水就有助舒緩頭痛症狀!美國頭痛研究基金會嘅研究人員指出,蜂蜜中嘅特殊果糖能夠促進酒精嘅分解吸收,因此可以減輕頭痛問題。另外,蜂蜜仲有使人快速入眠嘅功效,大家可以喺飲完酒臨瞓前沖返一杯。
#提子
新鮮提子具有解酒功效,皆因內含豐富酒石酸,而呢種物質會同酒內嘅乙醇形成酯類物質,從而降低體內嘅乙醇濃度。飲得太多嘅時候,唔少人都會出現反胃噁心嘅情況,而提子嘅酸味就可以緩解症狀,大家不妨喺飲酒前先食提子呀!
#水
最方便嘅方法一定係飲多啲水!因為分解酒精嘅過程中會用到水,當體內水分不足時,就會更加容易出現宿醉嘅情狀。所以大家記住要為自己補充水份,咁做係有助減輕頭痛同頭暈嘅症狀咖。
#香蕉
醉咗瞓醒起身嘅時候,胸口都會出現鬱悶嘅感覺。想緩解症狀嘅話,就可以食香蕉啦!因為香蕉有效增加血糖濃度,令呢血液內嘅酒精濃度低,從而達到解酒嘅功效,亦可以胸悶情況得以改善。
Tags: Homita新鮮事
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like