做家務時最令人崩潰嘅事件當中,必然有「打開洗衣機發現成機都係紙巾屑」呢一幕精彩場面。細碎嘅紙巾黏滿咗衣服嘅每一處,清理時要花費極大功夫,令內心湧現一股掉哂啲衣服嘅衝動。
其實遇到呢種情況,都唔洗咁快投降住,日本節目就提出咗一個方法,幫大家輕鬆地清除黏喺衣服上嘅紙巾碎。
方法相當簡單,將沾滿紙巾碎嘅衣服放返入洗衣機當中,加入柔順劑之後再洗一次,就可以將大部分嘅紙屑去掉。柔順劑當中含有「界面活性劑」,能夠做到分解滲入,令到衣服變得順滑,而紙碎就會隨之滑落,再加上機內嘅水流以及離心力幫忙,就可以輕易地將衣服上嘅紙巾屑送走。
雖然學識輕鬆地去除紙巾碎嘅方法,但大家喺洗衫前都係做多步,先檢查清楚有無遺棄紙巾喺口袋中,以免又要洗多次衫啦!
Tags: Homita私房話
如果你都想分享你嘅美容、時尚、旅行、運動心得,請將投稿文章連同不多於100字個人簡介同埋近照一張,電郵到: editor@homita.com.hk,文章經小編篩選後更有機會刊登喺我哋FB專頁,一經入選我哋會支付相應稿酬,仲唔快啲來投稿?
Author Information
You May Also Like